باسپانا جالداۋعا 69,2 مىڭ ادامعا سۋبسيديا بەرىلەدى - مينيستر

استانا. قازاقپارات - بيىل باسپانانى جالعا الىپ تۇرۋعا كەزەكتە تۇرعان 69200 ازاماتقا سۋبسيديا بەرۋ جوسپارلانىپ وتىر. بۇل تۋرالى يندۋستريا جانە ينفراقۇرىلىمدىق دامۋ ءمينيسترى مارات قارابايەۆ ءمالىم ەتتى، دەپ حابارلايدى قازاقپارات ءتىلشىسى.

«بيىل 158 ميلليارد 500 ميلليون تەڭگە كولەمىندە وبليگاتسيالىق قارىز بەرۋ ەسەبىنەن 12100 كرەديتتىك پاتەر سالىنادى.

بيۋدجەتتە كوزدەلگەندەي 20 ميلليارد تەڭگەگە 2 مىڭ جەڭىلدەتىلگەن نەسيە بەرىلەدى.

سونىمەن قاتار 43 ميلليارد تەڭگە مولشەرىندە كەزەكتە تۇرعان 69200 ادامعا تۇرعىن ءۇيدى جالداۋعا سۋبسيديا بەرۋ جوسپارلانىپ وتىر.

بۇدان بولەك، 2021-2022 -جىلدارى پايدالانۋعا بەرىلگەن 8800 پاتەرلى كرەديتتىك تۇرعىن ۇيلەردى كەزەكتە تۇرعان ازاماتتارعا ساتۋ ءۇشىن، وتباسى بانكىن 103 ميلليارد 500 ميلليون تەڭگە مولشەرىندە جەڭىلدىكتى قارىزدار بەرۋگە قوسىمشا قارجىلاندىرۋ قاجەت»، - دەدى مارات قارابايەۆ ۇكىمەت وتىرىسىندا.

ءمينيستردىڭ ايتۋىنشا، وڭىرلەردە جالعا بەرىلگەن پاتەرلەردى ساتىپ الۋعا نيەتتىلەر سانى ارتىپ كەلەدى.

«166,2 ميلليارد تەڭگە بولىنگەن جاعدايدا، كەزەكتە تۇرعان 26 مىڭعا جۋىق ادامنىڭ باسپانا ماسەلەسى شەشىلمەك. قازىر ءتيىستى قاراجات ءبولۋ ماسەلەسىن قارجى مينيسترلىگىمەن بىرلەسىپ پىسىقتاپ جاتىرمىز»، - دەيدى ول.

فوتو: primeminister.kz

اۆتور

داۋلەت ىزتىلەۋ