قازاقستان مەن قارۋلى كۇشتەردىڭ چەمپيونى اتاعىنا 62 كاسىبي پاراشيۋتشى سايىسقا تۇسۋدە
بۇل تۋرالى ق ر قورعانىس مينيسترىلىگىنىڭ باسپا ءسوز قىزمەتى حابارلادى.
جەكە كوماندالىق بىرىنشىلىكتەگى جارىستا 16 ەرلەر جانە 3 ايەلدەر كومانداسى قۇرامىندا 62 سپورتشى باسەكەگە تۇسۋدە. چەمپيونات ق ر قارۋلى كۇشتەرى پاراشيۋتتىك دايارلىق ورتالىعىنىڭ بازاسىندا، ق ر ق ك ا ق ك اسكەري-اۋە كۇشتەرى مەن «وتان» قوعامدىق بىرلەستىگى اەروكلۋبىنىڭ بازاسىندا وتۋدە.
قاتىسۋشىلار الماتى قالاسىنان، قاراعاندى، باتىس قازاقستان جانە الماتى وبلىستارىنان كەلدى. ونىڭ ىشىندە، ولار ق ر ق ك پاراشيۋتتىك دايارلىق ورتالىعى، 61993، 48386، 18404، 32363 جانە 32356 اسكەري بولىمدەرى، سونداي-اق، ەلىمىزدىڭ اەروكلۋبتارى مەن پاراشيۋتتىك ورتالىقتارىنىڭ نامىسىن قورعايدى.
باعدارلاماعا سايكەس قاتىسۋشىلارعا ءبىرقاتار جاتتىعۋلاردى ورىنداۋ قاجەت. بۇل - جەكە جانە كوماندالىق سىناقتا 900-1200 مەتر بيىكتىكتەن جەرگە قونۋ دالدىگىنە جەكە جانە توپتىق سەكىرۋلەر، ەركىن قۇلاۋداعى اكروباتيكالىق فيگۋرالار كەشەنىن ورىنداي وتىرىپ، 2200 مەتر بيىكتىكتەن جەكە اكروباتيكالىق سەكىرۋلەر.
قىزمەت ءتۇرى مەرزىمدى تۇردە پاراشيۋتپەن سەكىرۋلەردى ورىنداۋمەن بايلانىستى اسكەري قىزمەتشىلەردىڭ ايتۋىنشا، اتالعان چەمپيونات ءوزىنىڭ سىنىپتىق بىلىكتىلىگىن راستاۋ مەن ارتتىرۋ، ال سپورتشىلارعا سپورتتىق اتاق پەن دارەجە بەرۋ ءۇشىن جاقسى مۇمكىندىك. جالپى العاندا، سايىس قارۋلى كۇشتەردە اسكەري-قولدانبالى مانگە يە پاراشيۋتتىك سپورتتى دامىتۋعا، سپورتشىلاردىڭ سپورتتىق-تەحنيكالىق شەبەرلىگى مەن مورالدىق-جىگەرلىك قاسيەتتەرىنىڭ دەڭگەيىن ارتتىرۋعا باعىتتالعان.
سونىمەن بىرگە، بۇل پاراشيۋتتىك سپورت بويىنشا قارۋلى كۇشتەر مەن قازاقستان رەسپۋبليكاسىنىڭ قۇراما كوماندالارىن جاساقتاۋ ءۇشىن مىقتى سپورتشىلاردى ىرىكتەۋ، سونداي-اق، سپورتتىق تورەشىلەردى دايىنداۋ جانە ولاردىڭ تورەشىلىك ساناتتارىن ارتتىرۋ.