بۋراباي كۋرورتتىق ايماعىن دامىتۋعا 61,3 ميلليارد تەڭگە جۇمسالادى
دەپ حابارلايدى قازاقپارات.
« استانا قالاسىنىڭ تۋريستىك كلاستەرىن، ونىڭ ىشىندە مەديتسينالىق، مادەني ءبىلىم بەرۋ جانە ىسكەرلىك تۋريزمدى، شۋچە- بۋراباي كۋرورتتىق ايماعىن دامىتۋ بويىنشا جول كارتاسى ازىرلەندى. استانا قالاسىندا دەنساۋلىق ساقتاۋ، جوعارى ءبىلىم بەرۋ، مادەنيەت پەن سپورت نىساندارىن پايدالانۋ تيىمدىلىگىن جانە ءوزىن ءوزى وتەۋىن ارتتىرۋ شارالارىن ازىرلەۋ جونىندەگى ەلباسىنىڭ تاپسىرماسىن ورىنداۋ ماقساتىندا ءبىز قازاقستان ۇكىمەتىنىڭ ءتيىستى شەشىمدەرىن دايىندادىق»، - دەدى مينيستر.
ونىڭ دەرەگىنشە، شۋچە- بۋراباي كۋرورتتىق ايماعىن دامىتۋدىڭ 2017-2020 جىلدارعا ارنالعان جوسپارى 4 ءبولىم جانە 33 ءىس- شارادان تۇرادى. ونىڭ ىشىندە ينفراقۇرىلىمدىق جانە ەكولوگيالىق ماسەلەلەردى شەشۋ بويىنشا 17، كولىك- لوگيستيكا ينفراقۇرىلىمىن دامىتۋ بويىنشا 5، قاۋىپسىزدىكتى قامتاماسىز ەتۋ بويىنشا 6، ايماقتىڭ تۋريستىك الەۋەتىن دامىتۋ بويىنشا 5 شارا كوزدەلگەن.
« شۋچە- بۋراباي كۋرورتتىق ايماعىن دامىتۋ شارالارىن ىسكە اسىرۋعا 61,3 ميلليارد تەڭگە كولەمىندە قارجىلاندىرۋ كوزدەلگەن. ونىڭ ىشىندە رەسپۋبليكالىق بيۋدجەت 58,2 ميلليارد تەڭگە، جەرگىلىكتى بيۋدجەت 3,1 ميلليارد تەڭگە قاراستىرىلعان»، - دەدى مۇحامەدي ۇلى.
اۆتور : مارلان جيەمباي
