پرەزيدەنتتىڭ جاستار كادر رەزەرۆى: ون كۇندە 600 دەن استام جاس ءوتىنىم بەردى

نۇر-سۇلتان. قازاقپارات - مەملەكەت باسشىسىنىڭ تاپسىرماسى بويىنشا پرەزيدەنتتىك جاستار كادر رەزەرۆىنە كەزەكتى ىرىكتەۋ ءجۇرىپ جاتىر، دەپ حابارلايدى قازاقپارات.

مەملەكەتتىك قىزمەت ىستەرى اگەنتتىگىنىڭ مالىمەتىنشە، بۇل جوبا جاس قازاقستاندىقتارعا ءبىلىمى مەن داعدىلارىن ەل يگىلىگى ءۇشىن قولدانۋعا بىرەگەي مۇمكىندىك بەرەدى.

رەزەرۆكە الىنعان ادامدار ساياسي لاۋازىمدارعا، «ا» كورپۋسىنىڭ اكىمشىلىك لاۋازىمدارىنا، «ب» كورپۋسىنىڭ باسشى لاۋازىمدارىنا جانە «ب» كورپۋسىنىڭ ا ساناتى توبىنىڭ لاۋازىمدارىنا تاعايىندالۋى مۇمكىن.

1- قىركۇيەكتەن باستاپ 612 قازاقستاندىق قاتىسۋعا ءوتىنىم بەرىلدى.

قۇجات قابىلداۋ 2021-جىلدىڭ 30- قىركۇيەگىنە دەيىن جالعاسادى.

Pkrezerv.gov.kz سايتىندا تىركەلىپ، ءوتىنىم بەرە الاسىز، ول ءۇشىن قولدانىستاعى ەلەكتروندىق-سيفرلىق قولتاڭبا (ە ت س ق) بولۋى قاجەت.

پروفيلدى جەكە كابينەتتە تولتىرۋ جانە ەلەكتروندىق-سيفرلىق قولتاڭبامەن (ە ت س ق) قول قويۋ كەرەك.

قاجەتتى قۇجاتتاردى جۇكتەۋ:

جەكە كۋالىك كوشىرمەسى؛

جوعارى ءبىلىم تۋرالى ديپلومداردىڭ كوشىرمەسى؛

ەڭبەك قىزمەتىن راستايتىن قۇجاتتىڭ كوشىرمەسى؛

مەملەكەتتىك ءتىلدى مەڭگەرگەنى تۋرالى سەرتيفيكات.

2- قازان مەن 25- جەلتوقسان ارالىعىنداعى ۋاقىتتا ىرىكتەۋ كەزەڭى وتەدى.