كەيىنگى 5 جىلدا شاعىن جانە ورتا كاسىپكەرلىك كرەديتتەرى ءوستى - مينيسترلىك
«قازىرگى كەزدە بيزنەس سۋبەكتىلەرى كرەديتتەرى جوعارى مولشەرلەمەلەر جانە بانكتەردىڭ كەپىلدىك بويىنشا قويىپ وتىرعان تالاپتارى سياقتى ماسەلەلەرگە تاپ بولىپ وتىر. وسىعان بايلانىستى مينيسترلىك سىياقى مولشەرلەمەسىن سۋبسيديالاۋ جانە بانك كرەديتتەرى بويىنشا ءىشىنارا كەپىلدىك بەرۋ تۇرىندە شاعىن جانە ورتا كاسىپكەرلىكتىڭ باسىم سالالارىنا قارجىلىق قولداۋ قۇرالدارىن ىسكە اسىرىپ كەلەدى. 1- ناۋرىزداعى جاعداي بويىنشا ەكىنشى دەڭگەيلى بانكتەردىڭ نەسيەسىنە قاتىستى نارىقتاعى ورتاشا مولشەرلەمە 19,5 پايىزدى قۇرادى»، - دەدى ت. جاقسىلىقوۆ سەناتتا ەكونوميكانىڭ ناقتى سەكتورىنا كرەديت بەرۋدى كەڭەيتۋ تاقىرىبىنا ارنالعان دوڭگەلەك ۇستەل وتىرىسىندا.
ونىڭ ايتۋىنشا، نەسيە بويىنشا سۋبسيديالاۋ اياسىندا مەملەكەت بيزنەستىڭ باسىمدىقتى باعىتتارى ءۇشىن سىياقى مولشەرلەمەسىن 8 پايىزعا دەيىن تومەندەتەدى.
«كەيىنگى 5 جىلدا شاعىن جانە ورتا كاسىپكەرلىك كرەديتتەرى 4 تريلليون تەڭگەدەن 6,3 تريلليون تەڭگەگە دەيىن ءوستى. بۇگىنگى تاڭدا مەملەكەتتىك قولداۋ شارالارىمەن 2,3 تريلليون تەڭگە سوماعا شاعىن جانە ورتا كاسىپكەرلىك نەسيەسى قامتىلدى. بۇل شاعىن ورتا كاسىپكەرلىك نەسيەلەرى بويىنشا بانكتەردىڭ جالپى پورتفەلىندە %40 قۇرادى. 2019-جىلدان بەرى جوبالار سانى 9 ەسەگە، ال تولەنگەن سۋبسيديالار سوماسى 5 ەسەگە ءوستى»، - دەدى ۆيتسە-مينيستر.