قازاقستاندا ساتىلعان 5 كولىكتىڭ ۇشەۋى ەلىمىزدە قۇراستىرىلعان
Energyprom.kz پورتالىنىڭ مالىمەتىنشە، ەلىمىزدە اۆتوموبيل ونەركاسىبى مەن اۆتوموبيل قۇراستىرۋ سالاسىنا ۇلكەن ءۇمىت ارتىلىپ وتىر. ءتىپتى، بۇل سالا قازاقستان يندۋسترياليزاتسياسىنىڭ درايۆەرىنە اينالۋى دا ىقتيمال.
ماسەلەن، وتكەن جىلى اۆوكولىك قۇرالدارىن، ترەيلەر مەن جارتىلاي تىركەمەلەردى قۇراستىرۋ 24,3 پايىزعا، 739,1 ميلليارد تەڭگەگە دەيىن ءوستى. ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ رەسمي دەرەكتەرىنە قاراعاندا، وتكەن جىلى ەلىمىزدىڭ ماشينا جاساۋ ءوندىرىسىنىڭ جالپى كولەمىندە اۆتوكولىك قۇرالدارى، ترەيلەر مەن جارتىلاي تىركەمەلەر قۇراستىرۋ 2 وڭىردە باسىمدىققا يە بولدى: قوستاناي وبلىسىندا - 79,7 پايىز (395,9 ميلليارد تەڭگە)، الماتىدا — 62,6 پايىز (246,9 ميلليارد تەڭگە).
قوستاناي وبلىسىندا «سارىارقا اۆتو ونەركاسىپ» اۆتوزاۋىتى، الماتىدا Hyundai Trans Kazakhstan مەن Hyundai Trans Almaty زاۋىتتارى جۇمىس ىستەيدى. اۆتو ونەركاسىپتە شىعىس قازاقستان مەن اقمولا وبلىستارىنىڭ دا ۇلەسى باسىم. قازاقستان اۆتوموبيل بيزنەسى قاۋىمداستىعىنىڭ مالىمەتتەرىنە قاراعاندا، ق ر اۆتو ونەركاسىپ ءوندىرىسىنىڭ كولەمى 782,1 ميلليارد تەڭگەنى قۇرادى.
ال ءبىر جىل بۇرىن بۇل كورسەتكىش 612,8 ميلليارد تەڭگە بولعان ەدى.
ايتا كەتەرلىگى، Hyundai Trans Kazakhstan مەن Hyundai Trans Almaty زاۋىتتارى ءبىر جىلدىڭ ىشىندە ءوندىرىستى ءۇش ەسە ارتتىرىپ وتىر.
اتالعان كاسىپورىندار 2020-جىلى 100,4 ميلليارد تەڭگەنىڭ، ال وتكەن جىلى 293,7 ميلليارد تەڭگەنىڭ كولىگىن قۇراستىرعان.
ەلىمىزدىڭ 1 جىلدىڭ ىشىندە اۆتوموبيل ءوندىرىسى 20 پايىزعا ارتىپ، 92,8 مىڭ كولىك قۇراستىرىلدى. پاندەمياعا بايلانىستى لوگيستيكادا تۋىنداعان قيىندىقتارعا، الەمدەگى جارتىلاي وتكىزگىشتەر تاپشىلىعىنا قاراماستان اۆتوموبيل ساتۋ 25,9 پايىزعا ارتىپ، 117,6 مىڭ بىرلىككە جەتتى.
وتكەن جىلى ساتىلعان كولىكتەردىڭ ىشىندە وتاندىق اۆتوموبيل ۇلەسى باسىم ءتۇسىپ، 62,2 پايىزعا جەتتى.
قازاقستاندىق اۆتوموبيلدەر ەكسپورتى دا ءبىر جىلدىڭ ىشىندە 1,5 پايىزعا ارتىپ، 12,1 مىڭ كولىكتى قۇرادى.
