الماتىدا الداعى 5 جىلدا قانداي جۇمىستار اتقارىلادى
جول كارتاسىنىڭ جوباسى دەپۋتاتتىق فراكسيا مۇشەلەرىمەن ءبىراۋىزدان كەلىسىلدى. الماتىنىڭ جول كارتاسى مەگاپوليستى دامىتۋدىڭ ون ەكى درايۆەرىنە نەگىزدەلگەن 180 پۋنكتتەن تۇرادى. جوبادا جول كارتاسىن جۇزەگە اسىرۋدىڭ ءار جىلعا باعىتتالعان ناقتى كورسەتكىشتەرى، سونداي- اق جاۋاپتى دەپۋتاتتار مەن مەملەكەتتىك ورگاندار بەكىتىلگەن. «اتالعان باعدارلامانى جاساي وتىرىپ، ءبىز قوعامنىڭ بارلىق توپتارىنىڭ مۇددەلەرىن ەسكەردىك. ول «ەڭبەك»، «بيزنەستىڭ جول كارتاسى- 2025»، «7-20-25»، «باقىتتى وتباسى»، «ىسكەر انا» مەملەكەتتىك باعدارلامالارىمەن تىعىز بايلانىستى.
مىسالى، الماتىدا 5 جىل ىشىندە 15 مەملەكەتتىك مەكتەپ پەن 25 جاپسارلاس قۇرىلىس، سونداي- اق 15 مەملەكەتتىك جانە 324 جەكەمەنشىك مەكتەپكە دەيىنگى ءبىلىم بەرۋ مەكەمەسى سالىنادى. بۇل بالالاردىڭ %99 ىن مەكتەپكە دەيىنگى تاربيەمەن جانە وقىتۋمەن قامتۋعا مۇمكىندىك بەرىپ، وقۋشى ورىندارىنىڭ تاپشىلىعىن ايتارلىقتاي تومەندەتەدى»، - دەدى Nur Otan پارتياسى الماتى قالالىق فيليالى ءتوراعاسىنىڭ ءبىرىنشى ورىنباسارى مەيىرجان وتىنشيەۆ.
ءوز كەزەگىندە، قالالىق فيليال مەملەكەتتىك ساياساتتا اسا ماڭىزدى سانالاتىن مەديتسينا سالاسىن ودان ءارى دامىتۋ بويىنشا شارالار قابىلدايدى. بۇل رەتتە، 7 مەديتسينالىق ۇيىم مەن 12 دارىگەرلىك امبۋلاتوريا، ونىڭ ىشىندە 200 توسەكتىك كوپبەيىندى اۋرۋحانا، 300 توسەكتىك كوپبەيىندى ۋنيۆەرسيتەتتىك كلينيكا سالۋ جوسپارلانۋدا. ال 2024 -جىلى 1400 توسەكە ارنالعان بىرىككەن ۋنيۆەرسيتەتتىك اۋرۋحانا سالىنادى. 350 شاقىرىم اۆتوموبيل جولدارىن سالۋ جانە 30 شاقىرىم گازبەن جابدىقتاۋ جوسپارلادا.
سونداي-اق، مەگاپوليستىڭ جاقسى جانە قاناعاتتانارلىق جاعدايداعى بارلىق جولدارىنىڭ ۇلەسى %95 عا دەيىن جەتكىزىلەدى. بۇدان باسقا، جول كارتاسى 378 شاقىرىم سۋمەن جابدىقتاۋدى، 281 ك م كارىز جەلىلەرىن سالۋدى جانە رەكونسترۋكسيالاۋدى كوزدەيدى. بۇگىنگى كۇنى وزەكتى سانالاتىن تۇرعىن ءۇي ماسەلەلەرى پارتيانىڭ جول كارتاسىندا دا كورىنىس تاپتى.
«5 جىل ىشىندە 16,5 مىڭ مۇقتاج وتباسى ءوز پاتەرلەرىن الادى، ال قالا بويىنشا ءبىر ادامعا تۇرعىن ۇيمەن قامتاماسىز ەتۋ دەڭگەيى 30 شارشى مەترگە دەيىن جەتكىزىلەدى دەپ جوسپارلانۋدا، بۇدان بولەك، جىل سايىن «الماتى جاستارى 3.0» باعدارلاماسى بويىنشا 1000 جاس وتباسى باسپانالى بولادى»، - دەپ تۇيىندەدى الماتى قالاسىنىڭ ءماسليحاتىنداعى Nur Otan پارتياسى دەپۋتاتتىق فراكسياسىنىڭ جەتەكشىسى ءلاززات يبراگيموۆا.
بۇدان بولەك، جەكە ينۆەستيتسيالاردى تارتۋ بويىنشا جۇمىس جانداندىرىلادى. اتالعان ماقساتتا 114 ءىرى ينۆەستيتسيالىق جوبا ىسكە اسىرىلادى، ال قالا ەكونوميكاسىندا 5 -جىل ىشىندە 243,8 مىڭ جۇمىس ورنىن قۇرۋ جوسپارلانۋدا. سونىمەن قاتار، قالانى ەرەكشە قاجەتتىلىكتەرى بار ادامداردىڭ ءومىر ءسۇرۋى ءۇشىن بارىنشا ىڭعايلى ەتۋ مىندەتى قويىلىپ وتىر. ماسەلەن، مۇگەدەكتەر ءۇشىن قولجەتىمدىلىكپەن قامتاماسىز ەتىلگەن الەۋمەتتىك جانە كولىك ينفراقۇرىلىمى وبەكتىلەرىنىڭ ۇلەسى %100 دى قۇرايتىن بولادى. الماتى جول كارتاسىنىڭ ءاربىر تارماعى بويىنشا پارتيا باعدارلاماسىنىڭ ىسكە اسىرىلۋ بارىسىن باقىلاۋ ءۇشىن دەپۋتاتتىق فراكسيا مۇشەلەرى بەكىتىلدى.
جيىن بارىسىندا، «Nur Otan» پارتياسىنىڭ الماتى قالالىق فيليالىنىڭ ءتوراعاسى، قالا اكىمى باقىتجان ساعىنتايەۆ فراكسيا دەپۋتاتتارى پارتيانىڭ سايلاۋالدى باعدارلاماسىندا بەلگىلەنگەن ماقساتتارعا قول جەتكىزۋ ءۇشىن بارلىق كۇش-جىگەرىن جۇمساۋ قاجەتتىگىن اتاپ ءوتتى.
اۆتور: الما مۇقانوۆا