ايەل زەينەتكە 58 جاسىندا شىعۋى مۇمكىن - سەنات

نۇر- سۇلتان. قازاقپارات – بۇل ماسەلە زەينەت جاسىنا جاقىنداپ قالعان ءار ايەل ءۇشىن ماڭىزدى ەكەنى انىق. بۇگىن سەناتور دانا نۇرجىگىت وزەكتى ماسەلەنى قايتا قوزعادى، دەپ حابارلايدى «حابار 24».

دەپۋتاتتىڭ سوزىنە قازاقستانداعى ازاماتتاردىڭ ءومىر ءسۇرۋ جاسى پاندەميادان كەيىن تومەندەپ كەتكەن. سوندىقتان جاعدايدى قايتا قاراپ، وڭ شەشىم قابىلدايتىن كەز كەلدى دەيدى.

دانا نۇرجىگىت، ق ر پارلامەنتى سەناتىنىڭ دەپۋتاتى:

- وسىعان دەيىنگى زاڭدا ايەل ادامدار 63 جاستا زەينەتكە شىعۋ كەرەك دەيدى. ءومىر ءسۇرۋ جاسى - 71 جاس. سوندا بار جوعى ءومىر قىزىعىن كورۋگە سەگىز- اق جىل بار ما؟ بۇل ءوز ازاماتتارىمىزعا دەگەن نە دەگەن مەيرىمسىزدىك. ۇكىمەت اۋىر ماماندىق يەلەرىنىڭ زەينەتكە شىعۋ جاسىن تومەندەتۋدى قاراستىرىپ جاتىر. بۇل جەردە ءبارىن بولەك- بولەك قاراماي ايەلدەردىڭ دە زەينەتكە شىعۋ جاسىن دا وسى جەردە قاراپ، بۇل ماسەلەنى تەزدەتۋ كەرەك سياقتى.

بۇل ماسەلەنىڭ شەشىمىن كۇتكەن جاندار كوپ. قولدانىستاعى زاڭ بويىنشا ايەلدەردىڭ زەينەتكە شىعاتىن جاسىنا 2018 -جىلدان باستاپ جىل سايىن التى اي قوسىلىپ كەلەدى. وسىلايشا، ايەلدىڭ زەينەت جاسى ەر- ازاماتپەن تەڭەستىرىلىپ، 63 جاسقا جەتەدى. شيرەك عاسىردان اسا ەڭبەك ەتىپ، ەندى نەمەرە باعىپ، ۇيدە وتىرار ساتتە تاڭنان كەشكە دەيىن جۇمىستا ءجۇرۋ ايەلدىڭ كوبىنە قيىن، - دەيدى ماماندار.

لەيلا كولەنوۆا، قازاقستاندىق ۇزدىكسىز ءبىلىم بەرۋ قاۋىمداستىعىنىڭ ءتوراعاسى:

- كوپتەگەن تاربيەشىلەر زەينەتكە شىعۋ مۇمكىندىگىنەن ايىرىلدى. 63 جاستا كىشكەنتاي بالالارمەن قالاي جۇگىرىپ جۇرەدى؟ ەگدە ايەلگە ءار بالاعا قاراپ قانا قويماي، ولاردى ويناتىپ بىرگە ءجۇرۋ دەگەن وتە قيىن. ءبىر ەمەس، 20 بالاعا جاۋاپ بەرەدى.

سەناتور دانا نۇرجىگىت قازاقستاندىق ايەلدەردىڭ جۇمىسى مەن ءومىرىن الەمدىك ستاندارتتارمەن ولشەۋگە بولمايدى، - دەيدى.

مىسالى، جاپونيادا انالار 65 جاستا زەينەتكە شىعادى. بەس جىل ەرتە كەتەم دەسە دە ءوز ەركى. سەبەبى كۇنشىعىس ەلىندە ءومىر ءسۇرۋ ۇزاقتىعى 87 جاستى قۇرايدى. قازاقستاندىق ايەلدەردىڭ زەينەتكەرلىك جاسىن ۇلعايتۋ تۋرالى شەشىم 2015 -جىلى قابىلدانعان. وندا ايەلدەردىڭ ورتاشا ءومىر ءسۇرۋ ۇزاقتىعى 71 جاس دەپ ەسەپتەلگەن. 2021 -جىلى بۇل كورسەتكىش 70 جاس دەپ تومەندەدى. ال، 2020 -جىلى پاندەمياعا بايلانىستى ەلىمىزدە ءولىم- ءجىتىم %22 ءوسىپ كەتكەن. - زەينەتكەرلىك جاسىن تومەندەتۋدى قولدايمىن.

- تومەندەتسىن. 55 جاس قازاقستان ايەلدەرىنە جاقسى، 63 جاس دەگەن كوپ.

- ايەل ادامنىڭ قىزمەتتەن بۇرىن جۇمىستارى كوپ. ءۇي جۇمىسى، بالا تاربيەسى. قالالىق ەمەس، اۋىلدىق جەرلەردە قىزمەت ەتەتىن ايەلدەرگە، ءتىپتى، قيىن. سوندىقتان جاسىن تومەندەتۋ كەرەك. بۇل ماسەلە پارلامەنت قابىرعاسىندا بىرنەشە مارتە قوزعالدى. دەپۋتاتتىڭ ساۋالىنا ۇكىمەت قۇلاق تۇرسە، قازاقستاندىق انالار بۇدان بىلاي زەينەتكەرلىككە 58 جاستان شىعۋى مۇمكىن. انالاردىڭ ءۇمىتى ۇكىمەتتە.

www.24.kz