16:04, 17 - اقپان 2023 | GMT +5
بيىل 555 قازاقستاندىق «بولاشاق» باعدارلاماسىمەن شەتەلدە ءبىلىم الادى
استانا. قازاقپارات - مەملەكەتتىك كەڭەسشى ەرلان قارين شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسىن وتكىزدى، دەپ حابارلايدى اقوردا.
قازاقستان رەسپۋبليكاسىنىڭ مەملەكەتتىك كەڭەسشىسى ەرلان قاريننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى.
2023 -جىلى «بولاشاق» باعدارلاماسى بويىنشا بارلىعى 555 ستيپەنديا، ونىڭ ىشىندە ماگيستراتۋراعا 395، رەزيدەنتۋرا جانە دوكتورانتۋراعا 50، تاعىلىمدامادان وتۋگە 110 ستيپەنديا ءبولىندى.
وتىرىستا شەتەلدە تاعىلىمدامادان ءوتۋ ءۇشىن «بولاشاق» ستيپەندياسىن تاعايىنداۋ ماسەلەسى دە قارالدى.
كوميسسيا شەشىمىنە سايكەس 25-ازاماتقا ستيپەنديا بەرىلدى.
ايتا كەتۋ كەرەك، «بولاشاق» باعدارلاماسىنىڭ ستيپەندياسىن الۋعا قۇجات تاپسىرۋ بيىلعى جىلدىڭ قىركۇيەك ايىنا دەيىن جالعاسادى.
جيىن سوڭىندا ەرلان قارين ءبىرقاتار ناقتى تاپسىرما بەردى.
