13:07, 04 - ءساۋىر 2016 | GMT +5
اقمولا وبلىسىندا مەملەكەتتىك- جەكەمەنشىك سەرىكتەستىك اياسىندا 52 جوبا جۇزەگە اسىرىلماق
كوكشەتاۋ. قازاقپارات - اقمولا وبلىسىندا مەملەكەتتىك- جەكەمەنشىك سەرىكتەستىك اياسىندا 24 ميلليارد تەڭگە سومادا 52 جوبانى جۇزەگە اسىرۋ جوسپارلاپ وتىر.
بۇل تۋرالى بۇگىن ورتالىق كوممۋنيكاتسيالار قىزمەتىنىڭ اقمولا وبلىستىق فيليالىندا وتكەن باسپا ءسوز ءماسليحاتىندا اتالعان وبلىستىڭ اكىمى سەرگەي كۋلاگين ءمالىم ەتتى.
«ءبىرىنشى كەزەڭدە جەتى جوبانى ىسكە اسىرۋدى كوزدەپ وتىرمىز. بۇل تۇرعىدا جەتى بالاباقشانىڭ قۇرىلىسى ەسكەرىلگەن، ياعني بۇل نىساندار بويىنشا قۇجاتتاردىڭ تولىق پاكەتى جاسالىپ، ينجەنەرلىك كوممۋنيكاتسيالار تارتىلدى. ال قالعان جوبالار ينجەنەرلىك جەلىلەردىڭ دايارلىعىنا قاراي جۇزەگە اسىرىلادى»، - دەدى س. كۋلاگين.
اكىمنىڭ ايتۋىنشا، ەۋروپالىق قايتا قۇرۋ جانە دامۋ بانكىمەن ىنتىماقتاستىق اياسىندا 18 ميلليارد تەڭگەگە تۇرعىن ءۇي- كوممۋنالدىق سالاداعى ءۇش جوبانى ىسكە اسىرۋ جوسپارلانىپ وتىر.
اۆتور: رۋسلان عابباسوۆ
