بيىلدان باستاپ الەۋمەتتىك توپتامانىڭ ورنىنا ءار بالاعا 5175 تەڭگەدەن تولەنەدى
2020 -جىلعى قاڭتار ايىنان باستاپ اتاۋلى الەۋمەتتىك كومەك الاتىن وتباسىلاردىڭ 1 جاستان 6 جاسقا دەيىنگى بالالارىنا ا ءا ك- كە قوسىمشا الەۋمەتتىك قولداۋ شاراسى رەتىندە ازىق- تۇلىك پەن تۇرمىستىق حيميا جيىنتىعى تۇرىندەگى كەپىلدىك بەرىلگەن الەۋمەتتىك توپتاما ۇسىنىلعانى بەلگىلى.
2022 -جىلى الەۋمەتتىك كومەك الاتىن وتباسىنىڭ ءار مۇشەسىنە، ياعني ءار بالاعا تولەنەتىن ا ءا ك- ءتىڭ ورتاشا كولەمى - 6650 تەڭگە بولدى.
تابىسى از وتباسى بالالارىنا قوسىمشا ۇسىنىلاتىن ازىق- تۇلىك پەن تۇرمىستىق جيىنتىقتىڭ قۇنى 5174 تەڭگە دەڭگەيىندە بەلگىلەندى.
بۇل رەتتە كەپىلدىك بەرىلگەن الەۋمەتتىك توپتامانى الۋشىلاردان وسى توپتامانى زاتتان گورى اقشالاي فورماتقا اۋىستىرۋ تۋرالى ۇسىنىستار كوپ بولدى.
كەپىلدىك بەرىلگەن الەۋمەتتىك توپتامانى الۋشىلاردىڭ ءوتىنىشىن ەسكەرە كەلە 2023 -جىلدان باستاپ كەپىلدىك بەرىلگەن الەۋمەتتىك توپتامانى مونەتيزاتسيالاۋ تۋرالى شەشىم قابىلداندى.
مونەتيزاتسيا ااك الاتىن ءاربىر بالاعا اي سايىن 1,5 ايلىق ەسەپتىك كورسەتكىش مولشەرىندە قوسىمشا اقشا بەرىلەدى.
بۇل اتا- انالارعا بالالاردىڭ جەكە قاجەتتىلىگىنە قاراي قاجەتتى تاۋارلاردى ءوز بەتىنشە تاڭداۋعا مۇمكىندىك بەرەدى.
رەداكتور
جانات قاپالبايەۆا
