كۇمىس جاس جوباسى: 50 دەن اسقان ازاماتتارعا قانداي جۇمىستار ۇسىنىلادى

None
استانا. قازاقپارات - ەلىمىزدە 50 جاستان اسقان ازاماتتارعا ارنالعان جوبا ىسكە قوسىلدى. ماقسات - زەينەت جاسىنا جاقىنداپ قالعان جانداردى قولداۋ جانە ەڭبەكپەن قامتۋ.

ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ولارعا قانداي جۇمىس ۇسىنىلاتىنى جونىندە ايتىپ بەردى، دەپ حابارلايدى قازاقپارات ءتىلشىسى.

بۇعان دەيىن «كۇمىس جاس» جوباسى 60 جاستان اسقاندارعا قاراستىرىلىپ كەلدى. بيىلدان باستاپ 50 جاسقا دەيىن تومەندەتىلدى. وسىلايشا، جوباعا قاتىسۋشىلار اياسى كەڭەيتىلدى. جالپى، جۇمىسسىزداردىڭ دەنى - ۇيدە بالا كۇتىمىمەن وتىرىپ قالعاندار نەمەسە ءتۇرلى سەبەپتەرمەن ەڭبەك ەتۋ مۇمكىندىگى بولماعاندار. «كۇمىس جاس» جوباسىنىڭ ماقساتى - زەينەت جاسىنا جاقىنداپ قالعان جۇمىسسىز ازاماتتاردى قولداۋ. ءبىز ولارعا جەكە كومەكشى، الەۋمەتتىك قىزمەتكەر، اتاۋلى الەۋمەتتىك كومەك بويىنشا نەمەسە ەڭبەكپەن قامتۋ ورتالىقتارىندا كونسۋلتانت بولۋدى ۇسىنامىز. دەمەك، الەۋمەتتىك سالا بويىنشا جۇمىسقا ورنالاستىرامىز، - دەدى تامارا دۇيسەنوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ءمينيستردىڭ سوزىنشە، ەندىگى ۋاقىتتا «كۇمىس جاس» جوباسى اياسىندا 50 دەن اسقان جاندارعا ءبىلىم جانە دەنساۋلىق سالاسى بويىنشا بوس جۇمىس ورىندارى ۇسىنىلماق.

ايتا كەتەيىك، «كۇمىس جاس» جوباسى كاسىپكەرلىكتى دامىتۋدىڭ 2021-2025-جىلدارعا ارنالعان ۇلتتىق باعدارلاماسى اياسىندا جۇزەگە اسىرىلىپ جاتىر.

بۇعان دەيىن مينيستر اتاۋلى الەۋمەتتىك كومەك اياسىندا بەرىلەتىن ازىق-تۇلىك سەبەتىن اقشاعا اۋىستىرۋ سەبەبىن تۇسىندىرگەن ەدى.

بۇعان دەيىن «كۇمىس جاس» جوباسى اياسىندا 50 جاستان اسقان ادامداردى جۇمىسقا الۋ ءتارتىبى تۋرالى جازىلعان بولاتىن.


سوڭعى جاڭالىقتار