ەلدەگى جەراستى سۋلارىنىڭ 50 پايىزى وڭتۇستىكە شوعىرلانعان - ەكولوگيا مينيسسرلىگى
ورتالىق كوممۋنيكاتسيالار قىزمەتىندە وتكەن بريفينگىدە ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى سەرىكقالي برەكەشيەۆ وسىلاي دەپ ءمالىم ەتتى.
«قاتتى پايدالى قازبالاردىڭ قورىن ەسەپتەۋ مەتالل پايدالى قازبالاردىڭ 37 ءتۇرى جانە بەيمەتاللدىڭ 65 ءتۇرى بويىنشا جۇرگىزىلەدى. التىن كەن ورىندارىنىڭ نەگىزگى قورلارى شىعىس قازاقستان وبلىسىندا - % 36، اقمولا وبلىسىندا - % 21، قاراعاندى وبلىسىندا - % 11 شوعىرلانعان. مىستىڭ % 82 قورى ەلىمىزدىڭ شىعىس جانە ورتالىق وڭىرلەرىندە شوعىرلانعان. ءۇش مىڭنان استام قورعاسىن- مىرىش كەن ورىندارى جانە كەن اشىلىمدارى، نەگىزىنەن، ورتالىق، شىعىس جانە وڭتۇستىك قازاقستاندا شوعىرلانعان»، - دەدى ۆەدومستۆو وكىلى.
ونىڭ ايتۋىنشا، ەل اۋماعىندا تاۋلىگىنە 43 ميلليون تەكشە مەتر سۋ بەرەتىن 4 مىڭعا جۋىق جەراستى كەنىشى بار.
«جەراستى سۋىنىڭ قورى دا ءار وڭىردە ءارقالاي. بارشا قوردىڭ % 50- ى وڭتۇستىكتە، % 30- ى ورتالىق، سولتۇستىك جانە شىعىس وڭىرلەردە جانە % 20- عا جەتپەيتىن قورى باتىستا شوعىرلانعان»، - دەدى سەرىكقالي برەكەشيەۆ.
سونداي- اق، ول ەلدىڭ باتىسىنداعى اۋىزسۋ تاپشىلىعىن كوكجيدەنىڭ كومەگىمەن رەتتەۋگە بولادى دەگەن پايىم ايتتى.
«كوكجيدە كەن ورنى ەلدىڭ باتىسىنداعى ەڭ ءىرى سۋ قورى بولىپ ەسەپتەلەدى. ونىڭ الەۋەتىن تۇرعىنداردىڭ ساپالى اۋىز سۋعا تاپشىلىعىن جويۋعا پايدالانۋعا بولادى. قازىر اقتوبە وبلىسى اكىمدىگىنىڭ تاپسىرىسى بويىنشا «اقپان» ج ش س كوكجيدە كەن ورنىنىڭ قازىرگى جاعدايىن زەرتتەۋ ماقساتىندا جەراستى سۋلارىنىڭ پايدالانىلاتىن قورلارىن جەتە بارلاۋ جانە قايتا باعالاۋ بويىنشا جۇمىستار جۇرگىزىپ جاتىر. 2021 -جىلدىڭ اياعىنا قاراي جەراستى سۋلارىنىڭ قورلارى قايتا باعالانادى. كەن ورنىنىڭ وزەكتى كونتۋرلارى ايقىندالادى جانە ناقتى ەكولوگيالىق جۇكتەمەسى باعالانادى»، - دەدى سەرىكقالي برەكەشيەۆ.
اۆتور: ەسىمجان ناقتىباي