وڭتۇستىك قازاقستاننان 50 وتباسى شىعىس قازاقستانعا قونىس اۋداردى
«ەلباسىنىڭ حالقى تىعىز قونىستانعان وڭىردەن سولتۇستىك پەن شىعىس قازاقستان وبلىستارىنا قونىس اۋدارۋ تۋرالى تاپسىرماسىنا سايكەس وبلىستان 50 گە جۋىق وتباسى شىعىس قازاقستان وبلىسىنا قونىس اۋداردى. ال جىل سوڭىنا دەيىن تاعى بەس وتباسى كوشپەك.
اتالعان وبلىستاردا كەلەر جىلى ارنايى قونىس اۋداراتىن ازاماتتار ءۇشىن تۇرعىن ءۇي سالۋ كوزدەلۋدە. ناتيجەسىندە وڭتۇستىك وڭىرىنەن سولتۇستىككە قونىس اۋدارۋ كورسەتكىشى جوعارىلايتىن بولادى. باسقارما باسشىسىنىڭ حابارلاۋىنشا جىل باسىنان بەرى جۇمىسقا ورنالاستىرۋعا ءوتىنىش بىلدىرگەن 55,9 مىڭ جۇمىسسىزدان، 40 مىڭنان استام ادام نەمەسە %71,7 جۇمىسپەن قامتۋ ورگاندارى ارقىلى جۇمىسقا ورنالاستىرىلدى.
ەلباسىنىڭ بيىلعى جىلى حالىققا جولداۋىندا بەلگىلەنگەن بەس باعىتتىڭ ءبىرى - جاڭا الەۋمەتتىك ساياسات. مەملەكەت الەۋمەتتىك سالاداعى ءالسىز قورعالعان ازاماتتاردى ءوز قامقورلىعىنا الا وتىرىپ، اتاۋلى الەۋمەتتىك قولداۋ تەك مۇقتاج ادامدارعا، ولاردىڭ ناقتى تابىستارى مەن ءومىر ءسۇرۋ جاعدايىن باعامداۋ نەگىزىندە كورسەتىلەتىن بولادى.
«وبلىستا كۇنكورىس دەڭگەيى تومەن 170 مىڭنان استام (نەمەسە وبلىس حالقىنان 6,1 پايىزى) ازاماتتار بار. 2015 - جىلى 479 وتباسى اتاۋلى الەۋمەتتىك كومەك، 63427 وتباسى 18 جاسقا دەيىنگى بالالارعا ارنالعان جاردەماقى الۋدا. الەۋمەتتىك كومەك الۋشىلاردىڭ قاتارىندا ەڭبەككە جارامدىلار ورتاشا ەسەپپەن 23,5 پايىزىن قۇرايدى. از قامتىلعان وتباسىلارعا الەۋمەتتىك كومەك كورسەتۋ ءۇشىن جەرگىلىكتى بيۋدجەتتەردەن 5 ميلليارد تەڭگەگە جۋىق قارجى ءبولىندى»، - دەدى ءا. تەمىربايەۆا.
ال كەلەر جىلى زەينەتاقى، جاردەماقى، بيۋدجەت قىزمەتكەرلەرىنىڭ جالاقىسى ءوسىپ، شاكىرتاقىنىڭ دا كولەمى ارتپاق. وبلىسىمىزدا جالپى 212958 زەينەتكەر ەسەپكە الىنسا، 108 مىڭنان استام مۇگەدەك ەسەپتە تۇرادى، دەپ حابارلادى و ق و اكىمىنىڭ باسپا ءسوز قىزمەتى.
