الماتىداعى «راحات» فابريكاسىنىڭ 500 گە تارتا قىزمەتكەرى ۆيرۋس تاسىمالداۋشى بولعان

الماتى. قازاقپارات - الماتى باس سانيتاريالىق دارىگەرى جانداربەك بەكشين ونلاين بريفينگ بارىسىندا «راحات» فابريكاسىنداعى احۋالعا قاتىستى تۇسىنىك بەردى، دەپ حابارلايدى قازاقپارات ءتىلشىسى.

مۇنىڭ الدىندا «راحات» فابريكاسىندا كوروناۆيرۋس ينفەكسياسى تابىلۋىنا بايلانىستى فابريكا جۇمىسى توقتاتىلعانىن جازعان بولاتىنبىز.

«راحات فابريكاسىندا 30 - مامىر مەن 4 - ماۋسىم ارالىعىندا 10 ادامنان كۆي انىقتالعان. ءبىرىنشى، فابريكانىڭ ءبىر قىزمەتكەرى جوسپارلى وپەراتسياعا تۇسكەن كەزدە ودان ۆيرۋس تابىلعان. كەيىن زاۋىتقا كىرەبەرىستە تۇرعان تەپلوۆيزور ارقىلى تاعى 8 ادامنىڭ قىزۋى جوعارى ەكەنى انىقتالدى. سول ساتتە جەدەل جاردەم شاقىرىلعان. قىزۋى كوتەرىلگەن جۇمىسكەرلەردىڭ بارلىعىندا كوروناۆيرۋس ينفەكسياسى بار ەكەنى انىقتالدى»، - دەدى ول.

ونىڭ ايتۋىنشا، فابريكانىڭ 1500-گە جۋىق قىزمەتكەرى تەكسەرىلگەن. ولاردىڭ ىشىندە 467 ادامنان ۆيرۋس تابىلدى. ولاردا سيمپتوم بەلگىلەرى بولماعان. ولاردىڭ بارلىعى ءۇي كارانتينىنە جىبەرىلدى.

اۆتور: گۇلميرا عوسمانالي