ناۋرىزدا ءبىرىڭعاي زەينەتاقى جارنالارىنىڭ سوماسى 5,98 تريلليون تەڭگە بولدى
بۇل تۋرالى قوردىڭ ايلىق ەسەبىندە كورسەتىلگەن.
«2016 -جىلعى 1 - ناۋرىزداعى جاعداي بويىنشا زەينەتاقى جارنالارىنىڭ بارلىق تۇرلەرى بويىنشا شارتتاردىڭ جالپى سانى 10,1 ميلليون، ونىڭ ىشىندە مىندەتتى زەينەتاقى جارنالارى بويىنشا سالىمشىلار سانى شامامەن 9,7 ميلليون بولدى. مىندەتتى كاسىپتىك زەينەتاقى جارنالارى بويىنشا سالىمشىلار سانى 393986 بولدى. ەرىكتى زەينەتاقى جارنالارى بويىنشا سالىمشىلار سانى بۇرىنعىداي شامامەن 40 مىڭ ادامنان اسپايدى. 2016 -جىلعى 1 - ناۋرىزدا زەينەتاقى جيناقتارىنىڭ سوماسى 5,98 تريلليون تەڭگە بولدى»، - دەلىنگەن حابارلامادا.
ب ج ز ق باسپا ءسوز قىزمەتى حابارلاعانداي، 2016 - جىلدىڭ باسىنان باستاپ 101,02 ميلليارد تەڭگە مولشەرىندە تازا ينۆەستيتسيالىق تابىس الىندى. سالىمشىلاردىڭ زەينەتاقى اكتيۆتەرى بويىنشا جىلدىق كىرىسى (2015 -جىلعى اقپان - 2016 -جىلعى اقپان) 16,7 پايىزعا جەتتى. وسى ۋاقىت ارالىعىندا ينفلياتسيا دەڭگەيى 15,2 پايىز بولعانىن ايتا كەتكەن ءجون.
سونىمەن بىرگە، ب ج ز ق جىل باسىنان بەرى 46,81 ميلليارد تەڭگە سوماسىنا زەينەتاقى تولەمدەرى مەن اۋدارىمدارىن جاسادى، ونىڭ 2,61 ميلليارد تەڭگەسى ساقتاندىرۋ ۇيىمىنا جاسالعان اۋدارىمدار.
ايتا كەتۋ كەرەك، 1 جىلدان بەرى ءار سالىمشى مەن الۋشى ءوزىنىڭ جەكە زەينەتاقى شوتى تۋرالى دەرەكتى كەز كەلگەن كۇنى ب ج ز ق- نىڭ 236 - بولىمشەسىنىڭ بىرىنەن نە قوردىڭ www.enpf.kz سايتىندا ينتەرنەت- ءۇزىندى كوشىرمە ءبولىمى ارقىلى الا الادى.
2015 -جىلدىڭ اقپانىنان بەرى ءوز زەينەتاقى جيناقتارىنىڭ جاي- كۇيى تۋرالى اقپاراتتى تولىق كولەمدە e-gov پورتالى ارقىلى دا الۋعا مۇمكىندىك اشىلعان.
2016 - جىلعى ناۋرىزدا ەلەكتروندىق ۇكىمەت پورتالى ارقىلى قىزمەت كورسەتۋ باستالعان كەزدەن باستاپ سالىمشىلارعا (الۋشىلارعا) زەينەتاقى شوتتارىنان 232 مىڭ ءۇزىندى كوشىرمە بەرىلگەن.
اۆتور: گۇلميرا عوسمانالي
