قاڭتار ايىندا قازاقستان ەكونوميكاسى 5,6 پايىز ءوستى

استانا. قازاقپارات – ق ر ۇلتتىق ەكونوميكا ءبىرىنشى ۆيتسە- ءمينيسترى تيمۋر جاقسىلىقوۆ 2023 -جىلعى قاڭتار ايىنداعى الەۋمەتتىك- ەكونوميكالىق دامۋ قورىتىندىلارىن باياندادى، دەپ حابارلايدى قازاقپارات ءتىلشىسى.

ونىڭ ايتۋىنشا، بيىلعى قاڭتار ايىندا قازاقستان ەكونوميكاسىنىڭ ءوسۋ قارقىنى % 5,6- ءتى قۇرادى. ونىڭ ىشىندە ناقتى سەكتورداعى ءوسىم % 2,3، ال قىزمەت كورسەتۋ سالاسىندا - % 7,6 كورسەتكەن.

«بارلىق نەگىزگى سالالار بويىنشا وڭ ديناميكا بايقالادى. بۇل رەتتە ساۋدا، اقپارات جانە بايلانىس، سونداي- اق قۇرىلىس سالالارى ەڭ جوعارعى ءوسۋدى كورسەتتى. نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى % 18,3- ءتى قۇرادى. ينۆەستيتسيالار اعىنى ونەركاسىپتە - % 9,2- كە، ونىڭ ىشىندە تاۋ- كەن ءوندىرۋ ونەركاسىبىندە - % 12,6- كە، سونداي- اق اۋىل شارۋاشىلىعىندا - % 33,7- كە، جىلجىمايتىن مۇلىكپەن وپەراتسيالاردا - % 33,7- كە، كولىكتە جانە قويمالاۋدا - % 31,8- كە ءوستى»، - دەدى ت. جاقسىلىقوۆ ۇكىمەتتىڭ بۇگىنگى وتىرىسىندا.

الدىن الا قورىتىندى بويىنشا، 2022 -جىلى سىرتقى ساۋدا تاۋار اينالىمى % 32,1- كە ءوسىپ، 134,4 ميلليارد دوللار بولعان. ونىڭ ىشىندە ەكسپورت بويىنشا كورسەتكىش % 39,9- كە ءوسىپ، 84,4 ميلليارد دوللارعا دەيىن جەتتى. بۇل رەتتە وڭدەلگەن تاۋارلار ەكسپورتى % 33,6- كە ۇلعايىپ، 26,5 ميلليارد دوللاردى قۇرادى.

«تاۋارلار يمپورتى 50 ميلليارد دوللارعا تەڭ. جالپى، وڭ ساۋدا بالانسى 34,4 ميلليارد دوللاردى قۇرادى. اۋىل شارۋاشىلىعىنىڭ جالپى شىعارىلىمى % 3,3- كە ۇلعايدى. سالاداعى ءوندىرىستىڭ وڭ ءوسۋى 15 وڭىردە تىركەلدى. ەڭ جوعارعى ءوسىمدى شىعىس قازاقستان، باتىس قازاقستان جانە ماڭعىستاۋ وبلىستارى كورسەتتى»، - دەدى ت. جاقسىلىقوۆ.

اۆتور

ايجان سەرىكجان قىزى