ۇ و س ارداگەرلەرى مەن تىل ەڭبەككەرلەرىنە ماتەريالدىق كومەك رەتىندە 5,6 ميلليارد تەڭگە قاراستىرىلدى
استانا. قازاقپارات - 2015 - جىلى ۇلى وتان سوعىسىنا (ۇ و س) قاتىسقاندار مەن مۇگەدەكتەرگە، ولارعا تەڭەستىرىلگەندەرگە، تىل ەڭبەككەرلەرىنە جانە ۇلى وتان سوعىسىنداعى جەڭىسكە ۇلەس قوسقان قازاقستاننىڭ وزگە دە ازاماتتارىنا ءبىر رەتتىك ماتەريالدىق كومەك بەرۋگە رەسپۋبليكالىق بيۋدجەتتەن 5 ميلليارد 690 ميلليون 183 مىڭ تەڭگە قاراستىرىلدى.
« سونداي- اق، استانا مەن ماسكەۋ قالالارىنداعى جەڭىستى اتاپ وتۋگە ارنالعان ءىس- شارالارعا ارداگەرلەردىڭ قاتىسۋىنا بيۋدجەتتەن 61,8 ميلليون تەڭگە بولىنەدى» ، - دەلىنگەن ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مالىمەتىندە.
ناقتى ايتقاندا، ءبىر رەتتىك ماتەريالدىق كومەك كەلەسى رەتتە قاراستىرىلعان:
- ۇ و س قاتىسقاندار مەن مۇگەدەكتەرگە - 100 مىڭ تەڭگە؛ ۇ و س- قا قاتىسقاندار مەن مۇگەدەكتەرگە تەڭەستىرىلگەن تۇلعالارعا، جەڭىسكە ۇلەس قوسقان ازاماتتارعا - 70 مىڭ تەڭگە؛ ۇ و س كەزىندە قازا تاپقان اسكەري قىزمەتكەرلەردىڭ جۇبايلارىنا، اتا- انالارىنا، لەنينگراد قورشاۋىندا بولعان تۇرعىندارعا جانە ەكىنشى دۇنيەجۇزىلىك سوعىس جىلدارى فاشيستەر مەن ولاردىڭ وداقتاستارى قۇرعان كونتسلاگەرلەردە، گەتتو جانە وزگە دە ماجبۇرلەپ ۇستاۋ ورىندارىندا كامەلەتتىك جاسقا دەيىن تۇتقىندا بولعاندارعا - 30 مىڭ تەڭگە؛ تىل ەڭبەككەرلەرىنە جانە ۇلى وتان سوعىسىنىڭ قايتىس بولعان مۇگەدەكتەرىنىڭ جۇبايلارىنا، ۇلى وتان سوعىسىنداعى جەڭىسكە قوسقان ۇلەسى ءۇشىن ولارعا تەڭەستىرىلگەن تۇلعالارعا - 25 مىڭ تەڭگە.
اۆتور: رۋسلان عابباسوۆ
