يننوۆاتسيالىق دامۋدى قارجىلاندىرۋ سوڭعى 5 جىلدا 50 ميلليارد تەڭگەگە جەتتى - ن. نازاربايەۆ

الماتى. قازاقپارات - بۇگىن الماتىدا ءوتىپ جاتقان فورۋم بارىسىندا مەملەكەت باسشىسى نۇرسۇلتان نازاربايەۆ ەلدەگى يننوۆاتسيالىق دامۋ جايلى ايتىپ ءوتتى.

«قازاقستان-2050» ستراتەگياسى مەن جولداۋىمدا مەن يننوۆاتسيالىق دامۋ، عىلىمي قامتىمدى ەكونوميكا قۇرۋ كەرەكتىگى تۋرالى مىندەت قويدىم. مەن وسى جەردە ادەيى سۇرادىم. بۇل شىن مانىندە يننوۆاتسيا ما الدە، ىلەسپە جوبالار ما دەپ. يننوۆاتسيا دەگەنىمىز ەڭبەك ونىمدىلىگىنىڭ قارقىندى دامۋىنا، ەلەكتر ەنەرگياسىنىڭ ۇنەمدەۋگە، جاڭا وندىرىستەردى اشۋعا مۇمكىندىك بەرۋى كەرەك. مەملەكەت سوڭعى بەس جىلدا يننوۆاتسيالىق دامۋدىڭ ءوسىمىن قارقىندى قولداپ كەلەدى. سوڭعى بەس جىلدا ينۆەستيتسيا كولەمى 3 ەسەگە ارتىپ، 50 ميلليارد تەڭگەگە جەتتى. عىلىمي زەرتتەۋ جانە تاجىريبەلىك كونسترۋكتسيالار جاساپ شىعارۋعا جالپى شىعىندار 49 دان 74 ميلليارد تەڭگەگە دەيىن ارتتى. ولاردىڭ ىشىندە 30 ميلليارد تەڭگە جەكە سەكتوردان ءبولىندى. وسى باعىتتا الماتى مەن استانادا ەكى يننوۆاتسيالىق كلاستەر جاسالۋدا»، - دەدى پرەزيدەنت.

فورۋم جۇمىسىنا ينۆەستورلار مەن ۇلتتىق كومپانيالاردىڭ وكىلدەرى، ءبىلىم بەرۋ ۇيىمدارىنىڭ باسشىلارى، حالىقارالىق ساراپشىلار ات سالىسۋدا.

اۆتور: گۇلميرا عوسمانالي