استاناعا اۋعانستاننىڭ بيزنەس-دەلەگاتسياسى كەلدى، 4-تامىزدا اۋعان تاۋارلارىنىڭ كورمەسى اشىلادى

استانا. قازاقپارات - كەشە استاناعا اۋعانستاننىڭ ونەركاسىپ جانە ساۋدا ءمينيسترى نۋريددين ازيزي باستاعان 210 ادامنان تۇراتىن بيزنەس-دەلەگاتسيا كەلدى، دەپ حابارلايدى ق ر ۇكىمەتىنڭ باسپا ءسوز قىزمەتى.
None

دەلەگاتسيانى اۋەجايدا ق ر پرەمەر-ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين كۇتىپ الدى.

قوناقتار قاتارىندا اۋعانستاننىڭ ورتالىق بانكىنىڭ باسشىلارى، ءىرى جەكە مەنشىك بانكتەردىڭ، «دا افگانيستان برەشنا شەركات» (DABS) ەنەرگەتيكالىق كومپانياسىنىڭ، «افگان تەلەكوم» (AfTel) تەلەكومۋنيكاتسيالىق كومپانياسىنىڭ، اۋىل شارۋاشىلىعى ونىمدەرى مەن مال شارۋاشىلىعى پالاتاسىنىڭ، ساۋدا-ينۆەستيتسيالىق پالاتاسىنىڭ، سونداي-اق اۋىل شارۋاشىلىعى، فارماتسەۆتيكا، ونەركاسىپ، كولىك-لوگيستيكا، ينجەنەرلىك، توقىما جانە باسقا كومپانيالاردىڭ وكىلدەرى بار.

2-تامىزدا قازاقستان جانە اۋعانستان كومپانيالارىنىڭ پرەزەنتاتسيالارى، B2B كەلىسسوزدەرى وتەدى. 3-تامىزدا بيزنەس-فورۋم جۇمىسىن باستايدى، ال 4-تامىزدا ەلوردا تۇرعىندارى مەن قوناقتارىنا اۋعان تاۋارلارىنىڭ كورمەسى (EXPO، كونگرەسس-ورتالىق) اشىلادى. كورمەدە اۋعانستاننان ءتۇرلى ازىق- تۇلىك، مىس ىدىستار، ءمارمار، كىلەمدەر، زەرگەرلىك بۇيىمدار جانە باسقا دا كوپتەگەن تاۋارلار ۇسىنىلادى.

ايتا كەتەيىك، قازاقستان مەن اۋعانستان اراسىنداعى تاۋار اينالىمى 2022 -جىلى $987,9 ميلليون بولدى، بۇل وتكەن جىلدىڭ سايكەس كەزەڭىمەن سالىستىرعاندا 2,1 ەسە جوعارى ($474,3 ميلليون). وسى ورايدا كورسەتكىشتىڭ شامامەن %90 ى قازاقستاندىق ەكسپورتقا، نەگىزىنەن وڭدەلگەن ونىمگە تيەسىلى. 2023 -جىلدىڭ 5 ايىندا ەكى ەل اراسىنداعى ساۋدا-ساتتىق $316,6 ميلليون بولدى، ونىڭ $310 ميلليونى قازاقستاندىق ەكسپورتقا تيەسىلى.

قازاقستاننىڭ اۋعانستانعا ازىق-تۇلىك، مۇناي-حيميا، حيميا، مەتاللۋرگيا، جەڭىل، ماشينا جاساۋ سالالارىندا جالپى $500 ميلليوننان استام سوماعا ەكسپورت جاساۋ الەۋەتى بار.


سوڭعى جاڭالىقتار