قازاقستان گەرمانيانى مۇنايمەن قامتاماسىز ەتىپ وتىرعان نەگىزگى 4 مەملەكەتتىڭ ءبىرى - پرەزيدەنت

None
استانا. قازاقپارات - قازاقستان گەرمانيانى مۇنايمەن قامتاماسىز ەتىپ وتىرعان نەگىزگى 4 مەملەكەتتىڭ ءبىرى. بۇل تۋرالى اقوردادا گەرمانيا پرەزيدەنتى فرانك- ۆالتەر شتاينمايەرمەن كەلىسسوزدەردەن كەيىنگى ب ا ق وكىلدەرىنە بىرلەسكەن مالىمدەمە بارىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«تاعى ءبىر اسا ماڭىزدى سالا - مادەني- گۋمانيتارلىق بايلانىس. ەلىمىزدە نەمىس ۇلتىنىڭ 226 مىڭ وكىلى ءومىر سۇرەدى. ولار قازاقستاندى وركەندەتۋگە ەلەۋلى ۇلەس قوسىپ كەلە جاتىر. گەرمانيادا 1 ميلليوننان استام بۇرىنعى وتانداستارىمىز تۇرادى. بۇل - حالىقتارىمىز اراسىنداعى دوستىقتى نىعايتا تۇسەتىن التىن كوپىر. ءبىز وسى سالاداعى ىقپالداستىقتى تەرەڭدەتۋگە نيەتتىمىز»، - دەدى پرەزيدەنت.

سونىمەن قاتار، مەملەكەت باسشىسى گەرمانيا پرەزيدەنتىمەن ساۋدا- ەكونوميكالىق قاتىناستاردى دامىتۋ جولدارىن تالقىلاعاندىقتارىن ايتتى.

«قازاقستان - گەرمانيانىڭ ورتالىق ازياداعى نەگىزگى ەكونوميكالىق ارىپتەسى. گەرمانيانىڭ ورتالىق ازيا ەلدەرىمەن الىس- بەرىسىنىڭ 83 پايىزى ءبىزدىڭ ەلگە تيەسىلى. بىلتىر ەكىجاقتى ساۋدا- ساتتىق شامامەن 10 ميلليارد دوللار بولدى. قازاقستان گەرمانيانىڭ باستى 50 ەكونوميكالىق سەرىكتەسىنىڭ قاتارىنا كىرەدى. سونداي- اق، وسى ەلدى مۇنايمەن قامتامامسىز ەتىپ وتىرعان نەگىزگى 4 مەملەكەتتىڭ ءبىرى سانالادى. ءبىز ەكونوميكالىق ىنتىماقتاستىقتىڭ جاڭا كەزەڭىنە قادام باستىق. ءوزارا ءتيىمدى قارىم- قاتىناستى نىعايتۋ وتە ماڭىزدى. سول ءۇشىن پرەزيدەنت شتاينمايەرگە ەكى ەلدىڭ مۇددەسىنە ساي كەلەتىن ءبىرقاتار ناقتى ۇسىنىس ايتتىم»، - دەدى قاسىم- جومارت توقايەۆ.

«مەملەكەتتەرىمىزدىڭ ەكونوميكاسى كوپ جاعدايدا ءبىر- ءبىرىن تولىقتىرادى. تەحنولوگيالاردى شيكىزاتقا الماستىرۋ فورمۋلاسىنا نەگىزدەلگەن قاتىناس ەكى تاراپ ءۇشىن ناتيجەلى بولماق. قازاقستان گەرمانيا ەكونوميكاسىن ەنەرگيامەن جانە قاجەتتى شيكىزاتپەن تۇراقتى قامتاماسىز ەتە الادى. بۇل قازىرگى گەوساياسي جانە گەوەكونوميكالىق كەزەڭدە اسا ماڭىزدى. نەمىس تاراپىنىڭ ءوتىنىشى بويىنشا شۆەدت قالاسىندا مۇناي وڭدەۋ زاۋىتىنا قازاقستان مۇنايىن جونەلتۋ سونىڭ ناقتى مىسالى. جوسپارلانعان شارالاردى ءتيىمدى جۇزەگە اسىرۋ ءۇشىن شتاينمايەر مىرزامەن تالقىلانعان بىرنەشە ماسەلەنى شەشۋ قاجەت»، - دەدى قاسىم- جومارت توقايەۆ.

پرەزيدەنتتىڭ اتاپ وتۋىنشە، سونىڭ ءبىرى - كولىك- لوگيستيكا بايلانىسىن كۇشەيتۋ.

«بۇگىندە ورتا ءدالىز دەپ اتالاتىن ترانسكاسپي حالقارالىق كولىك باعىتىنىڭ ماڭىزى ارتىپ كەلە جاتىر. ءبىز مۇنى كەزدەسۋ بارىسىندا ەرەكشە اتاپ وتتىك. ورتا ءدالىزدىڭ نەگىزگى بولىگى ماڭعىستاۋ وبلىسى ارقىلى وتەدى شتاينمايەر مىرزا باتىس ەلدەرىنىڭ باسشىلارى ىشىندە وسى وڭىرگە ءبىرىنشى بولىپ بارعالى وتىر»، - دەدى مەملەكەت باسشىسى.

قازاقستان پرەزيدەنتى ەنەرگەتيكا پرەزيدەنت قاسىم- جومارت توقايەۆ گەرمانياعا ساپارمەن بارادى. بۇل جايىندا مەملەكەت باسشىسى گەرمانيانىڭ فەدەرالدى پرەزيدەنتى فرانك- ۆالتەر شتاينمايەرمەن كەڭەيتىلگەن قۇرامداعى كەلىسسوز بارىسىندا ايتتى.

«مەن قىركۇيەكتە بولاتىن گەرمانياعا كەلەسى ساپارىما زور پوزيتيۆپەن نيەتتەنىپ وتىرمىن. سونىمەن قاتار ءسىزدىڭ ماڭعىستاۋ وبلىسىنا بارۋ شەشىمىڭىزگە ريزاشىلىق بىلدىرەمىن. مەنىڭشە، بۇل ءبىزدىڭ بيزنەس ىنتىماقتاستىعىمىزدىڭ جەتىستىگىن پاش ەتەدى. مەنىڭ بىلۋىمشە، ءسىز تەڭىز پورتىنا دا بارماقشىسىز. ءسىزدى بۇل ساپارىڭىزدا پرەمەر- مينيستر الىپ جۇرەتىن بولادى»، - دەدى قاسىم- جومارت توقايەۆ.

سونىمەن قاتار پرەزيدەنت گەرمان دەلەگاتسياسىنا دا ريزاشىلىعىن ءبىلدىرىپ ءوتتى.


سوڭعى جاڭالىقتار