بيىل كەمى 4 پايىز ەكونوميكالىق ءوسىمدى قامتاماسىز ەتۋ قاجەت - ۇكىمەت باسشىسى

None
استانا. قازاقپارات - بيىل كەم دەگەندە 24,4 ميلليارد دوللار شەتەلدىك ينۆەستيتسيا تارتۋ قاجەت. بۇل تۋرالى بۇگىن ۇكىمەت وتىرىسىندا پرەمەر- مينيستر ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

«بيىل ءبىز ەڭ كەمى 4 پايىز ەكونوميكالىق ءوسىمدى قامتاماسىز ەتۋ ءۇشىن ءبارىمىز ۇيلەسىمدى ءارى ءتيىمدى جۇمىس جۇرگىزۋىمىز كەرەك. ەكونوميكا سالالارىن دامىتۋدا ءبىرىنشى كەزەكتە ىشكى نارىقتى وتاندىق تاۋارلارمەن تولىقتىرۋعا باسىمدىق بەرىلۋى ءتيىس. حالىقتىڭ ءال- اۋقاتى ەڭ الدىمەن تۇراقتى وسىمگە بايلانىستى. سوندىقتان، ەكونوميكانى ودان ءارى ءارتاراپتاندىرۋعا جانە تۇراقتى جۇمىس ورىندارىن قۇرۋعا باعىتتالعان جۇمىستاردى جانداندىرۋ كەرەك»، - دەدى ۇكىمەت باسشىسى.

وسى رەتتە ءاليحان سمايىلوۆ مينيسترلىكتەر مەن ءوڭىر اكىمدىكتەرى ينۆەستيتسيا تارتۋ جانە ينۆەستيتسيالىق جوبالاردى سۇيەمەلدەۋ جۇمىستارىن كۇشەيتۋى تيىستىگىن باسا ايتتى.

«ءار ينۆەستورمەن جۇمىس ىستەپ، ءارقايسىسىنا بولەك جاعداي جاساپ، قارسى مىندەتتەمەلەر بەلگىلەۋ قاجەت. ءبىز ءار جوبانىڭ ەكونوميكالىق ناتيجەسىن كورۋىمىز كەرەك. بيىل كەم دەگەندە 24,4 ميلليارد دوللار شەتەلدىك ينۆەستيتسيا تارتۋ قاجەت»، - دەدى ءاليحان سمپايىلوۆ.

اۆتور

مارلان جيەمباي

سوڭعى جاڭالىقتار