ءبىر اسكەري شەرۋ وتكىزۋگە شامامەن 4 ميلليارد تەڭگە كەرەك - قورعانىس ءمينيسترى

نۇر- سۇلتان. قازاقپارات - ق ر قورعانىس ءمينيسترى رۋسلان جاقسىلىقوۆ قازاقستاندا اسكەري شەرۋ ۇيىمداستىرۋعا قاتىستى تۋرالى پىكىر ءبىلدىردى، دەپ حابارلايدى قازاقپارات.
None
None

«قازىرگى ۋاقىتتا قازاقستان قارۋلى كۇشتەرىنىڭ الدىندا ماڭىزدى مىندەتتەر تۇر. ولاردى جوعارعى باس قولباسشى ايقىنداپ بەردى. ءبارىن جۇزەگە اسىرۋ جانە بيۋدجەتتەن قاراجات سۇراۋ - ءبارىن شىعىن. ماسەلەن، جانار- جاعارماي ماتەريالدارى، ءىسساپار شىعىندارى، جەكە قۇرامنىڭ تاماقتانۋى بار. جاقىندا عانا وقۋ- جاتتىعۋدى اياقتادىق. مۇندا بىزگە قايسىسى ماڭىزدى - وقۋ- جاتتىعۋ وتكىزىپ، جاۋىنگەرلىك ازىرلىگىمىزدى تەكسەرۋ مە الدە شەرۋ جاساۋ ما؟ بۇل رەتتە ءبىز جوعارعى باس قولباسشىنىڭ تاپسىرمالارىن ىسكە اسىرۋدى ەسكەرىپ، قارۋلى كۇشتەردىڭ جاۋىنگەرلىك دايىندىعىمەن اينالىسقان ورىندى دەپ سانايمىز»، - دەدى قورعانىس ءمينيسترى ءماجىلىس وتىرىسىنان كەيىن تىلشىلەرگە بەرگەن سۇحباتىندا.

مينيستر 7- مامىر - ق ر قارۋلى كۇشتەرى كۇنى مەن 9- مامىردى شاتاستىرماۋ قاجەتتىگىن ايتتى. «شەرۋ جەڭىس كۇنىنە ەمەس، قارۋلى كۇشتەردىڭ 30 جىلدىعىنا ارنالعان ەدى. بۇل ايىرماشىلىقتى سالىستىرىپ كورىڭىزدەر. جەڭىس كۇنىنە ارداگەرلەرىمىزگە قۇرمەت كورسەتەتىن ءىس- شارالار جوسپارلانعان. ولاردىڭ ءبارى وتكىزىلەدى. اتقارۋشى بيلىك ورگاندارى ارداگەرلەرگە جوسپارلى تۇردە تولەم جاسايدى. ءبىز ولارعا قۇرمەت كورسەتەمىز جانە قۇتتىقتايمىز»، - دەپ اتاپ ءوتتى ر. جاقسىلىقوۆ.

سونىمەن بىرگە ۆەدومستۆو باسشىسى «قازاقستان بۇدان بىلاي شەرۋ وتكىزبەيتىن بولدى ما؟» دەگەن سۇراققا جاۋاپ بەردى.

«ءبارىمىز تۇسىنەمىز، شەرۋ وتكىزۋ - پاتريوتتىق سەزىمدى كورسەتۋدىڭ ءبىر جولى. بۇعان دەيىن پاندەميا بولعانىن بىلەسىزدەر، وندا شەرۋ جاسايتىن قاجەتتىلىك بولمادى. ال قازىر ءبىز جاۋىنگەرلىك ازىرلىكتى ارتتىرۋمەن اينالىسىپ جاتىرمىز. كەلەسى جىلى ەكونوميكالىق جاعدايىمىز مۇمكىندىك بەرىپ جاتسا، شەرۋ وتكىزەمىز. (...) جالپى ءبىر شەرۋ وتكىزۋگە ورتا ەسەپپەن 4 ميلليارد تەڭگەدەن استام قارجى جۇمسالادى»، - دەپ ءتۇسىندىردى قورعانىس ءمينيسترى.

ايتا كەتەيىك، بيىل نۇر- سۇلتان قالاسىندا جەڭىس كۇنىنە ارنالعان اسكەري پاراد ۇيىمداستىرىلمايدى. قورعانىس مينيسترلىگى مۇنى بيۋدجەت قاراجاتىن ۇنەمدەۋ ءۇشىن، سونداي- اق باسقا دا مىندەتتەردى شەشۋ قاجەتتىگىنە بايلانىستى دەپ ءتۇسىندىردى. سونىمەن بىرگە، نۇر- سۇلتان قالاسىنىڭ مادەنيەت باسقارماسى 7 جانە 9- مامىر كۇندەرى مەرەكەلىك وتشاشۋ بولمايتىنىن حابارلادى.

اۆتور: ايجان سەرىكجان قىزى


سوڭعى جاڭالىقتار