14:33, 17 - تامىز 2018 | GMT +6
كونستيتۋتسيا كۇنىنە وراي قازاقستاندىقتار 4 كۇن دەمالادى
استانا. قازاقپارات - كونستيتۋتسيا كۇنىنە وراي قازاقستاندىقتار ءتورت كۇن دەمالادى.
زاڭناماعا سايكەس 30 -تامىز كونستيتۋتسيا كۇنى - دەمالىس كۇنى سانالادى.
بيىل مەرەكە بەيسەنبىگە ءتۇسىپ تۇر. ۇكىمەت قاۋلىسىمەن 25 -تامىزداعى دەمالىس كۇنى 31 -تامىزعا اۋىستىرىلدى. وسىلايشا، اپتاسىنا بەس كۇن جۇمىس ىستەيتىن قازاقستاندىقتار 30 -تامىزدان 2 -قىركۇيەككە دەيىن 4 كۇن دەمالادى.
ەسكە سالا كەتەيىك، مەرەكە كۇندەرى كەزەڭىندە، سونداي-اق قازاقستان رەسپۋبليكاسىنىڭ ەڭبەك كودەكسىنىڭ 85-بابىنىڭ 3-پۋنكتىندە كوزدەلگەن دەمالىس كۇندەرىندە جۇمىس ۋاقىتىن ۇتىمدى پايدالانۋ ماقساتىندا قازاقستان رەسپۋبليكاسىنىڭ ۇكىمەتى دەمالىس كۇندەرىن باسقا جۇمىس كۇندەرىنە اۋىستىرۋعا قۇقىلى.