ەكسپو كورمەسىمەن تولىق تانىسىپ شىعۋعا 4 تاۋلىك ۋاقىت كەرەك

استانا. قازاقپارات - ەكسپوداعى «نۇر الەم» قازاقستاندىق پاۆيلونىمەن تولىق تانىسىپ شىعۋ ءۇشىن ءۇش جارىم ساعات ۋاقىت كەتەدى.

بۇل تۋرالى بريفينگتە «استانا ەكسپو- 2017» ۇ ك» ا ق كونتەنت جانە ءىس-شارالاردى ۇيىمداستىرۋ دەپارتامەنتىنىڭ ديرەكتورى مارات وماروۆ ءمالىم ەتتى، دەپ حابارلايدى قازاقپارات.

«كورمە كەشەنىنىڭ ورتالىق نىسانى «نۇر الەممەن» تولىق تانىسىپ شىعۋ ءۇشىن 3-3,5 ساعات ۋاقىت كەتەدى. ياعني، قىزىعۋشىلىق تانىتقان ادامدار بارلىق قاباتتاردى ارالاۋعا ۇزاق ءجۇرىپ قالادى»، - دەپ توقتالدى م. وماروۆ.

بۇدان بولەك، ول جالپى ەكسپو-2017 الىڭىنداعى پاۆيلونداردى ارالاۋعا شامامەن قانشا ۋاقىت كەتەتىنىن ايتتى.

«اتاپ ايتقاندا، جالپى كورمە بويىنشا جالپى تانىسىپ شىعۋعا 4 تاۋلىك ارالاۋعا تۋرالى كەلەدى. وسى ءتورت كۇندە پاۆيلونداردان بولەك، ءبىز ۇيىمداستىراتىن باسقا دا ءبىرقاتار شارالاردى قاراپ شىعا الاسىزدار. سەبەبى ءبىز كۇنىنە 30-40 ءتۇرلى شارالاردى وتكىزەمىز»، - دەپ ءتۇسىندىردى دەپارتامەنت ديرەكتورى.

ايتا كەتەيىك، «نۇر الەم» - استانا ەكسپو-2017 كورمەسىنىڭ ارحيتەكتۋرالىق سيمۆولىنا اينالعان كورمە كەشەنىنىڭ ورتالىق نىسانى. بۇل ديامەترى 80 مەتر، بيىكتىگى 100 مەتر قۇرايتىن الەمدەگى ەڭ ۇلكەن سفەرالىق عيمارات. كەلۋشىلەر قازاقستاننىڭ تاريحى، مادەنيەتى، سالت- ءداستۇرى، كورىكتى جەرلەرى، سونىمەن قاتار ەلدىڭ جەتىستىكتەرىمەن تانىسا الادى.

اۆتور: رۋسلان عابباسوۆ