16:11, 08 - شىلدە 2015 | GMT +6
پەتروپاۆل بارشا قازاقستان بويىنشا ايىنا 4 مىڭ كامۋفلياج جونەلتەدى - فوتو
پەتروپاۆل. قازاقپارات - پەتروپاۆلدا «اسكەري كيىم تىگەتىن فابريكا» ج ش س فيليالى ايىنا قازاقستان بويىنشا 4 مىڭعا دەيىن كامۋفلياج جيىنتىعىن جونەلتەدى.
«كۇن سايىن فابريكادا شامامەن 200 كامۋفلياج جيىنتىعىن شىعارامىز. كونسترۋكتورلار مەن تىگىنشى ۇلگىلەر مەن ديزاينىن ازىرلەيدى. بيىل مامىردا جاڭا جابدىقتار الدىق: جارتىلاي اۆتوماتتار مەن امبەباپ قايرايتىن ماشينالار. بۇگىندە 11 مىڭنان استام تاپسىرىس بار. ولاردى ورىنداپ بولىپ تا قالدىق.
ودان ءارى مەملەكەتتىك قورعانىسقا كيىم تىگەمىز. 5 مىڭ جىلى كوستيۋم مەن 10 مىڭ جازعى كامۋفلياج. ايىنا بارشا قازاقستان بويىنشا 4 مىڭ جيىنتىق كامۋفلياج جونەلتەمىز، - دەپ ءمالىم ەتتى تىگىن فيليالىنىڭ ءوندىرىس جونىندەگى ديرەكتورىنىڭ ورىنباسارى.
