قازاقستان قىلمىس يندەكسى بويىنشا الەم ەلدەرى رەيتينگىندە 48-ورىندا تۇر
ەلىمىزدىڭ يندەكسى - 52,7. يندەكس جوعارى بولعان سايىن ەلدەگى قىلمىس دەڭگەيى دە جوعارى سانالادى، دەپ حابارلايدى قازاقپارات ءتىلشىسى.
Finprom.kz پورتالىنىڭ مالىمەتىنشە، يندەكس ساۋالناما ارقىلى ەلدەگى قىلمىستىڭ جالپى دەڭگەيىن باعالايدى. رەيتينگ قۇراستىرۋشىلارى يندەكس 20 دان از بولسا، وندا قىلمىس دەڭگەيى وتە تومەن، 20-40 ارالىعىندا - تومەن، 40-60 ارالىعىندا - ورتاشا، 60-80 ارالىعىندا - جوعارى، ال 80 نەن اسسا وتە جوعارى دەپ سانايدى.
ت م د ەلدەرىنىڭ اراسىندا قازاقستانعا قاراعاندا قىلمىس دەڭگەيى بەلارۋس پەن قىرعىزستاندا ءبىرشاما جوعارى. ال مولدوۆا، ۋكراينا، رەسەي جانە وزبەكستان قاۋىپسىز دەپ سانالادى.
قىلمىس ورشىگەن ەلدەردىڭ ەڭ باسىندا ۆەنەسۋەلا، پاپۋا - جاڭا گۆينەيا جانە اۋعانستان تۇر. الەمدەگى ەڭ قاۋىپسىز ەل - قاتار.
2022-جىلدىڭ قورىتىندىسىندا ەلىمىزدە 157,5 مىڭ قىلمىستىق قۇقىق بۇزۋشىلىق تىركەلدى. بۇل 2021-جىلعى كورسەتكىشتەن 0,3 پايىزعا از. قۇقىق بۇزۋشىلىقتىڭ باسىم بولىگى الماتى قالاسىندا (34,9 مىڭ)، استانادا (17,1 مىڭ) جانە الماتى وبلىسىندا (12,6 مىڭ)، ەڭ ازى ۇلىتاۋ، جەتىسۋ جانە اباي وبلىستارىندا تىركەلگەن.