18:50, 22 - ماۋسىم 2020 | GMT +6
قازاقستان اۋعان حالقىنا 46 ۆاگون گۋمانيتارلىق كومەك جەتكىزدى
بالح پروۆينتسياسى. قازاقپارات - قازاقستاننان بارعان گۋمانيتارلىق كومەك اۋعانستان يسلام رەسپۋبليكاسىنىڭ حالقىنا رەسمي تاپسىرىلدى، دەپ حابارلايدى قازاقپارات ق ر سىرتقى ىستەر مينيسترلىگىنە سىلتەمە جاساپ.
بارلىق سانيتارلىق- ەپيدەميولوگيالىق نورمالاردى ساقتاي وتىرىپ، ىشىندە 1900 توننا ۇن، 500 توننا ماكارون ونىمدەرى، 4 مىڭ ليتر كۇنباعىس مايى جانە 200 مىڭ قويۋلاتىلعان ءسۇت بانكاسى كىرەتىن 46 ۆاگون گۋمانيتارلىق جۇك جەتكىزىلدى.
رەسمي ءىس- شاراعا بالح پروۆينتسياسى اكىمشىلىگىنىڭ، اۋعانستان س ءى م جانە قازاقستاننىڭ اۋعانستانداعى ەلشىلىگىنىڭ وكىلدەرى قاتىستى. اتالعان ازىق- تۇلىك ونىمدەرىن اير ۇكىمەتى ەلدىڭ مۇقتاج ايماقتارىنا تاراتادى.