ءبىرقاتار جوبادان 44 تريلليون تەڭگەدەن استام ينۆەستيتسيا كۇتىلۋدە - اسقار مامين
ۇقساس جاڭالىقتار اسقار مامين ازىق- تۇلىك پەن جانار- جاعارماي باعاسى ماسەلەسى بويىنشا كەڭەس وتكىزدى اسقار مامين سيبۋر باسشىسىمەن مۇناي- گاز حيمياسى سالاسىنداعى جوبالاردى ىسكە اسىرۋدى تالقىلادى ماڭعىستاۋدا بيىل تۇرىك ينۆەستورلارىنىڭ قاتىسۋىمەن ءىرى ەكى جوبا ىسكە قوسىلادى بيىل ق ر ەكونوميكاسىنا تىكەلەي شەتەلدىك ينۆەستيتسيا % 30,4 ارتتى «ينۆەستورلارمەن جۇمىستىڭ جەدەل مونيتورينگى مەن ۇيلەستىرۋىن قامتاماسىز ەتۋ ماقساتىندا ينۆەستور تارتۋ ماسەلەلەرى جونىندەگى كەڭەس (ينۆەستيتسيالىق شتاب) قىزمەتى ىسكە قوسىلدى. ينۆەستيتسيالىق شتابتىڭ جۇمىسى اياسىندا 2021-2025 -جىلدارعا ارنالعان جوبالار پۋلى قالىپتاستىرىلدى، بۇل 3 مىڭعا جۋىق جوبادان تۇرادى، ولار نەگىزگى كاپيتالعا 44,7 تريلليون تەڭگە ينۆەستيتسيانى قامتاماسىز ەتەدى»، - دەپ جازدى پرەمەر- مينيستر دەپۋتاتتىق ساۋالعا بەرگەن جاۋابىندا.
ونىڭ ايتۋىنشا، اتالعان جوبالاردى ىسكە اسىرۋ سالالىق ورتالىق جانە جەرگىلىكتى اتقارۋشى ورگانداردىڭ ءبىرىنشى باسشىلارى جاساعان نەگىزگى كاپيتالعا ينۆەستيتسيالار تارتۋ جونىندەگى مەموراندۋمداردا بەكىتىلگەن.
«ينۆەستيتسيالار ءۇشىن باسەكەلەستىكتى ىنتالاندىرۋ ماقساتىندا وڭىرلىك دەڭگەيدە قابىلداناتىن شارالاردىڭ تيىمدىلىگىن كەشەندى باعالاۋعا جانە ينۆەستورلارمەن جۇمىس ىستەۋدەگى ۇزدىك تاجىريبەنى انىقتاۋعا مۇمكىندىك بەرەتىن وڭىرلەردىڭ ينۆەستيتسيالىق تارتىمدىلىعىنىڭ رەيتينگى قولدانىلادى»، - دەپ اتاپ ءوتتى پرەمەر.
اتاپ ايتقاندا، شەتەلدىك ينۆەستورلار قاتىسىمەن ىسكە اسىرىلاتىن باسىم سالالارداعى جوبالارعا ەرەكشە كوڭىل بولىنەدى. ستراتەگيا ينۆەستيتسيالاردى بەلسەندى تارتۋ ءۇشىن سالالاردىڭ ەكى توبىن ايقىندادى. ءبىرىنشى توپ - قولدانىستاعى قىسقا مەرزىمدى جانە ورتا مەرزىمدى پەرسپەكتيۆادا قر باسەكەلەستىك ارتىقشىلىقتارىنىڭ كوزى بولاتىن الەۋەتتى سالالار. وسى توپ اياسىندا تاماق ونەركاسىبى، مەتاللۋرگيا، حيميا، مۇناي حيمياسى جانە ماشينا جاساۋ سياقتى سالالار ايقىندالدى. ەكىنشى توپ - ينۆەستورلار ۇزاق مەرزىمدى پەرسپەكتيۆادا مۇددەلى بولۋى مۇمكىن سالالار. بۇل باعىتتا ستراتەگيا اقپاراتتىق- كوممۋنيكاتسيالىق تەحنولوگيالار، تۋريزم جانە قارجى سياقتى سالالاردى انىقتادى.
اۆتور: ايجان سەرىكجان قىزى
