قازاقستاندا ەكىنشى رەت 42500 تەڭگەنى قانشا ادام الدى؟
بۇل جونىندە ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ قازاقپارات حابارلايدى.
تولەمدى ەسەپتەۋ ءۇشىن العاشقى اي رەتىندە 16- ناۋرىزدان باستاپ 15- ءساۋىر ارالىعى الىنادى. قازىرگى توتەنشە جاعداي بويىنشا ەكىنشى اي - 16- ساۋىردەن 11- مامىرعا دەيىن.
جوعارىدا ايتىلعاندارعا سايكەس، 16- ساۋىرگە دەيىن ءوتىنىش بەرگەن ازاماتتار (الەۋمەتتىك جاردەماقىلار تاعايىنداۋ قاشان جاسالعانىنا قاراماستان)، توتەنشە جاعداي كەزىندە تابىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان تولەمدەر تاعايىنداۋ ەرەجەسىندە كورسەتىلگەن شارتتاردى ساقتاي وتىرىپ، «42500 تەڭگە» تولەمگە ەكىنشى ايدا ۇمىتكەر بولا الادى.
16- ساۋىردەن باستاپ 11- مامىر كۇنى ساعات 18.00 گە دەيىن ءوتىنىش بەرگەن ازاماتتار ءبىر رەت تولەم الۋعا ۇمىتكەر بولا الادى.
ەستەرىڭىزگە سالا كەتەيىك، توتەنشە جاعداي رەجيمى توقتاتىلۋىنا بايلانىستى 11- مامىر ساعات 18.00 دەن باستاپ 42500 تەڭگە تاعايىنداۋعا جاڭا ءوتىنىش قابىلداۋ اياقتالدى.
جوعارىدا كورسەتىلگەن مەرزىمگە دەيىن كەلىپ تۇسكەن بارلىق ءوتىنىش بەلگىلەنگەن تارتىپپەن قارالادى جانە ءوتىنىش ءتيىستى شارتتارعا سايكەس كەلگەن جاعدايدا 42500 تەڭگە تاعايىندالىپ، تولەنەدى.
بۇرىن بەرىلگەن ءوتىنىشتى قاراۋ مارتەبەسىن 42500.enbek.kz سايتىنان بىلۋگە بولادى. 42500 تەڭگە تولەمى ەنگىزىلگەن ساتتەن باستاپ ونى 4,5 ميلليون ادام الدى.
