ماسەلەنى 3 جىل بويى شەشە الماعان باسشىعا شارا قولدانىلادى - پرەزيدەنت جارلىعى
«ماقساتتارعا قول جەتكىزۋ» بلوگى بويىنشا قورىتىندىلاردى ەنگىزۋ كەزىندە ق ر جوعارى اۋديتورلىق پالاتاسى ءتيىستى ۇلەس ماندەرىن بەرە وتىرىپ، بلوكتار بويىنشا ناتيجەلەردى قوسۋ ارقىلى باعالاناتىن ورتالىق مەملەكەتتىك جانە جەرگىلىكتى اتقارۋشى ورگاندار بولىنىسىندە ءبىرىڭعاي رەيتينگ قالىپتاستىرادى:
1) ماقساتتارعا قول جەتكىزۋ - %45؛
2) مەملەكەتتىك ورگاننىڭ جەكە جانە زاڭدى تۇلعالارمەن ءوزارا ءىس-قيمىلى - %30؛
3) مەملەكەتتىك ورگاننىڭ ۇيىمداستىرۋشىلىق دامۋى - %25.
بۇل رەتتە ورتالىق مەملەكەتتىك ورگانداردىڭ ءبىرىڭعاي رەيتينگى وپەراتسيالىق باعالاۋدىڭ بارلىق بلوگى بويىنشا باعالاناتىن ورتالىق مەملەكەتتىك ورگاندار قاتارىنان قالىپتاستىرىلادى»، - دەلىنگەن «اشىق» ن ق ا پورتالىندا جاريالانعان جارلىق جوباسىندا.
توقتالا كەتەيىك، قازىرگى زاڭنامادا مۇنداي نورما جوق. بۇعان قوسا، باعالاۋدى جۇرگىزۋ ادىستەمەسىن، پروگرەسس يندەكسىن ەسەپتەۋ جونىندەگى جوبالاردى مەملەكەتتىك ورگاندارمەن كەلىسۋ مىندەتى ق ر جوعارى اۋديتورلىق پالاتاسىنا جۇكتەلەدى.
سونىمەن قاتار جاڭا وزگەرىس بويىنشا جىلدىق باعالاۋ قورىتىندىلارى تۋرالى ەسەپ ەندى پرەزيدەنتكە جەلتوقساندا ەمەس، شىلدە ايىندا بەرىلەدى.
«باعالاۋ قورىتىندىلارى بويىنشا باعالاناتىن مەملەكەتتىك ورگان باعالاۋ بلوگى نەمەسە ءبىرىڭعاي رەيتينگ بويىنشا رەيتينگتە سوڭعى 3 پوزيتسيانىڭ بىرىندە بولسا، سونداي-اق سەنىپ تاپسىرىلعان سالاداعى (قىزمەت سالاسىنداعى) احۋالدىڭ 3 جىل قاتارىنان ناشارلاعانى انىقتالعان جاعدايدا، ق ر پرەزيدەنتىنىڭ اكىمشىلىگى ق ر زاڭناماسىندا ايقىندالعان قۇزىرەتىنە بايلانىستى ءتيىستى مەملەكەتتىك ساياسي قىزمەتشىنىڭ نەمەسە ورتالىق مەملەكەتتىك ورگاننىڭ اپپارات باسشىسىنىڭ، وبلىس، رەسپۋبليكالىق ماڭىزى بار قالالار، استانا اكىمىنىڭ اپپاراتى باسشىسىنىڭ جاۋاپكەرشىلىگى ماسەلەسىن قاراۋ تۋرالى ۇسىنىس ەنگىزەدى»، - دەلىنگەن.
ايتا كەتەيىك، قولدانىستاعى ەرەجە بويىنشا قانداي دا ءبىر ماسەلەنى 2 جىل شەشە الماعان باسشىلارعا قاتىستى شارا قولدانىلادى. ەندى ونىڭ مەرزىمى 3 جىل بولىپ بەكىتىلمەك.
پرەزيدەنت جارلىعىنىڭ جوباسى 18- ساۋىرگە دەيىن كوپشىلىك تالقىلاۋدا بولادى.
