شىلدەدە كوروناۆيرۋستان 3 ناۋقاس قايتىس بولدى - ايجان ەسماعامبەتوۆا

نۇر-سۇلتان. قازاقپارات - سوڭعى اپتادا ەلىمىزدە COVID-19 ۆيرۋسىن جۇقتىرۋ 1,9 ەسە كوبەيىپ وتىر.

بۇل تۋرالى ق ر دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتار دارىگەر ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.

«20- ماۋسىمنان باستاپ ەلىمىزدە كوروناۆيرۋس ينفەكتسياسىنا شالدىعۋدىڭ ءوسۋى بايقالدى. سوڭعى اپتادا الدىڭعى اپتامەن سالىستىرعاندا كوروناۆيرۋستىڭ تارالۋى 1,9 ەسە ءوستى (8156 جاعدايدان 15503 جاعدايعا دەيىن). تاۋلىگىنە كوروناۆيرۋستىڭ راستالۋ كورسەتكىشى 2700 جاعدايعا جەتىپ وتىر. ناۋرىز ايىنان باستاپ ءولىم-ءجىتىمنىڭ ءبىرلى-جارىم جاعدايى تىركەلدى. شىلدە ايىندا ك ۆ ي- مەن اۋىرعان 3 ناۋقاس قايتىس بولدى»، - دەدى ايجان ەسماعامبەتوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، سوڭعى اپتادا COVID-19 ۆيرۋسىن جۇقتىرۋ كورسەتكىشى ەلىمىزدىڭ 3 ايماعىندا 70 پايىزعا جەتتى. «الماتى قالاسىندا (4704 جاعداي نەمەسە 30,3 پايىز)، نۇر-سۇلتاندا (4937 جاعداي نەمەسە 31,8 پايىز) جانە قاراعاندى وبلىسىندا (1237 جاعداي نەمەسە 8 پايىز).

اۋرۋعا شالدىعۋشىلاردىڭ سانى وسكەنىنە قاراماستان، ناۋقاستاردى اۋرۋحاناعا جاتقىزۋ دەڭگەيى تومەن. بۇگىنگى كۇنى ك ۆ ي بويىنشا ستاتسيونارلىق كومەك 180 ينفەكتسيالىق اۋرۋحانادا كورسەتىلەدى. توسەك-ورىننىڭ 30 پايىزىندا ناۋقاستار جاتىر»، - دەيدى ول.

سونداي-اق، باس مەملەكەتتىك سانيتار دارىگەر ستاتسيوناردا ەمدەلىپ جاتقان پاتسيەنتتەرگە تالداۋ جۇرگىزىلگەنىن ايتتى.

«ك ۆ ي- مەن اۋىرىپ ستاتسيوناردا ەمدەلىپ جاتقان پاتسيەنتتەردىڭ ىشىندە 18 جاسقا دەيىنگى بالالار - 36,3 پايىزدى قۇرايدى. ال 63,7 پايىزى ەرەسەكتەر»، - دەدى ا. ەسماعامبەتوۆا.