كوروناۆيرۋسقا قارسى قازاقستاندىق ۆاكسينا سىناعىنىڭ 3-ساتىسى قالاي وتۋدە
«COVID-19-عا قارسى QazCovid-in ۆاكسيناسى كلينيكالىق سىناعىنىڭ I جانە Ⅱ ساتىسىن وتكىزۋ ناتيجەسىندە ءبىرىنشى جانە ەكىنشى رەت بۇلشىق ەت ىشىنە ەكپە جاساۋ بارىسىندا جاقسى توزۋشىلىك پەن قاۋىپسىزدىك بايقالدى. ەكىنشى رەت ۆاكسينا سالعاننان كەيىن ونىڭ SARS- CoV-2 ۆيرۋسقا قاتىستى جوعارى يممۋنوگەندىك بەلسەندىلىگى بايقالدى. قازىرگى ۋاقىتتا تاۋەكەل توبىن قوسا العاندا ءتۇرلى جاس ساناتىنداعى 3 مىڭ ەرىكتىگە كلينيكالىق سىناقتىڭ Ⅲ ساتىسى وتكىزىلىپ جاتىر. كلينيكالىق زەرتتەۋ الماتى مەن تاراز قالاسىنداعى كلينيكالاردىڭ بازاسىندا وتكىزىلۋدە»، - دەلىنگەن اتالعان مينيسترلىكتىڭ تاراتقان اقپاراتىندا.
ەستەرىڭىزگە سالا كەتسەك، كەشە ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ق ر دەنساۋلىق ساقتاۋ ءمينيسترى الەكسەي سويعا قازاقستان عالىمدارى ازىرلەگەن QazCovid-in ۆاكسيناسىنا قاتىستى ساۋال قويىلىپ، ول جاۋابىن جازباشا بەرۋگە ۋادە ەتكەن ەدى.
اۆتور: مارلان جيەمباي