ەلوردادا قازاقستاننىڭ اۋىل ايەلدەرىنىڭ 3 - فورۋمى ءوتىپ جاتىر
نۇر- سۇلتان. قازاقپارات - ەلوردادا قازاقستاننىڭ اۋىل ايەلدەرىنىڭ III فورۋمى ءوتىپ جاتىر، دەپ حابارلايدى قازاقپارات ءتىلشىسى.
«مەن بۇگىن ءبىز ءۇشىنشى رەت وتكىزىلىپ جاتقان اۋىل ايەلدەرىنىڭ بىرىكتىرۋشى جانە ىنتالاندىرۋشى الاڭىنا اينالعان ءۇشىنشى رەسپۋبليكالىق فورۋمدى اشىپ وتىرعانىما وتە قۋانىشتىمىن. جىل سايىن قاتارىمىز جاڭا ەسىمدەرمەن تولىقتىرىلىپ جاتىر. وكىنىشكە قاراي، انالارىمىزدىڭ جۇمىسىن كورىپ، قولداپ قايتۋ ءۇشىن ءبىز بيىل اۋىلدارعا بارا المادىق. كورىپ وتىرعانىڭىزداي، قاشىقتىق بىزگە كەدەرگى ەمەس، ونلاين رەجيمدە دە كەزدەسىپ وتىرمىز. ءارقايسىڭىز ءوز اۋىلىنىڭ قامىن جەگەن ءوز ءوڭىرىڭىزدىڭ كورنەكتى وكىلىسىز. پرەزيدەنت ءوزىنىڭ جولداۋىندا ايتقانداي، باسەكەگە قابىلەتتى ەكونوميكا اۋىل شارۋاشىلىعىن دامىتپاي قۇرىلمايدى»، - دەدى ءماجىلىس دەپۋتاتى مايرا ايسينا.
ونىڭ ايتۋىنشا قازاقستان حالقىنىڭ جارتىسى اۋىلدا تۇرادى. ونىڭ 4 ميلليونى ايەلدەر. «فورۋم جۇمىسى اگروونەركاسىپتىك كەشەننىڭ دامۋىنا ايتارلىقتاي سەرپىن بەرەتىنىنە سەنىمدىمىز. بۇل ايەلدەردىڭ الەۋمەتتىك مارتەبەسىن جاقسارتادى. ءسۇتتىڭ % 70 جانە كوكونىستەردىڭ % 90 جەكە قوسالقى شارۋاشىلىقتاردا وندىرىلەدى. پرەزيدەنتتىڭ جەكە قوسالقى شارۋاشىلىقتاردىڭ الەۋەتىن شەشۋشى تۇردە پايدالانۋ قاجەتتىلىگىنە نازار اۋدارۋى بەكەر ەمەس. ەلىمىزدە ايەلدەر اۋىلدىڭ دامۋى ءۇشىن وراسان زور ەڭبەگىن سىڭىرۋدە»، - دەدى ول.
قازاقستاننىڭ اۋىل ايەلدەرىنىڭ III فورۋمى باراسىندا «اۋىل» حالىقتىق- دەموكراتيالىق پاتريوتتىق پارتياسى مەن «قازاقستان ايەلدەرىنىڭ اگرارلىق وداعى» ز ت ب اراسىندا ىنتىماقتاستىق تۋرالى مەموراندۋمعا قول قويىلادى.
اۆتور: ايان بەكەن ۇلى
