ەلوردادا كەلەسى جىلدان باستاپ قولجەتىمدى باسپانا قۇرىلىسى 3 ەسەگە ارتادى
بۇل تۋرالى بۇگىن قالا اكىمى التاي كولگىنوۆ مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىن تالقىلاۋعا ارنالعان قالالىق اكتيۆ جيىنىندا ءمالىم ەتتى، دەپ حابارلايدى ەلوردا اكىمدىگىنىڭ رەسمي سايتى.
«ەلوردادا تۇرعىن ءۇي كەزەگىنە تۇرۋشىلاردىڭ سانى جىل سايىن ارتىپ كەلەدى. بيىل جاز ايىنىڭ باسىندا 46 مىڭ استانالىق ءۇي كەزەگىندە تۇرسا، قىركۇيەكتە بۇل كورسەتكىش 47,5 مىڭعا جەتىپ وتىر. وسىعان قاراي كەلەسى جىلدان باستاپ قولجەتىمدى باسپانا بويىنشا سالىناتىن تۇرعىن ۇيلەردىڭ كولەمى 3 ەسەگە ارتاتىن بولادى. بۇگىندە دايىندىق جۇمىستارى باستالدى»، - دەدى ەلوردا اكىمى جولداۋدى تالقىلاۋعا ارنالعان جيىن بارىسىندا.
ونىڭ سوزىنشە، ءۇي كەزەگىندە تۇرعان از قامتىلعان جانە كوپبالالى وتباسىلاردى باسپانامەن قامتاماسىز ەتۋ كۇن تارتىبىندەگى ماڭىزدى ماسەلە.
«ءبىز بار سالماقتى بيۋجەتكە سالعىمىز كەلمەيدى. سوندىقتان قولجەتىمدى باسپانانى جەكە ينۆەستيتسيالار ەسەبىنەن جۇزەگە اسىرۋدى كوزدەپ وتىرمىز. جاقىندا عانا تاعى ءبىر تۇرعىن ءۇي سالۋ كومبيناتىنىڭ ءوز جۇمىسىن باستاعانىن بىلەسىزدەر. قولجەتىمدى باسپانامەن قامتۋدىڭ باستى سەگمەنگتى رەتىندە وسى كومبيناتتى قاراستىرىپ وتىرمىز»، - دەدى التاي كولگىنوۆ.
