بيىل 3 مىڭنان استام جەمقورلىق قىلمىستارى تىركەلدى - ا. داۋىلبايەۆ
بۇل تۋرالى بۇگىن ت م د ەلدەرىنىڭ سىبايلاس جەمقورلىققا قارسى كۇرەس مەملەكەتارالىق كەڭەسىنىڭ وتىرىسىندا ق ر باس پروكۋرورى اسحات داۋىلبايەۆ ءمالىم ەتتى.
«پروكۋرورلاردىڭ ۇيلەستىرۋىمەن قازاقستاننىڭ قۇقىق قورعاۋ ورگاندارىمەن مەملەكەتتىك باسقارۋ جانە قوعام ءومىرىنىڭ بارلىق سالالارىندا جەمقورلىققا قارسى كۇرەستىڭ كەشەندى شارالارى جۇرگىزىلۋدە. بيىلعى جىلى 3088 جەمقورلىق قىلمىسى تىركەلدى، ءوسىم 49 پايىزدى قۇراپ وتىر. جىل سايىن ولاردىڭ سانى ارتۋدا، بۇل قۇقىق قورعاۋ ورگاندارىنىڭ ىمىراسىز ۇستانىمىنىڭ ارقاسىندا. وسى قىلمىستار بويىنشا مەملەكەتكە كەلگەن جالپى شىعىن 8 ميلليارد تەڭگەنى قۇراعان، قازىرگى ۋاقىتتا ونىڭ جارتىسى مەملەكەت پايداسىنا الىندى. بيىلعى جىلدىڭ 10 ايىندا جەمقورلىققا بارعان 1 مىڭنان استام تۇلعا سوتتالدى. ت م د ەلدەرىندەگى ارىپتەستەرمەن اقپارات الماسۋ باعىتىندا تىعىز قارىم- قاتىناس جاساۋ بارىسىندا بۇل جۇمىس ەداۋىر ءتيىمدى بولا تۇسەدى دەپ سەنەمىن»، - دەدى ا. داۋىلبايەۆ.
ونىڭ اتاپ كورسەتكەنىندەي، مەملەكەت باسشىسى جەمقورلىققا قارسى كۇرەسكە ەرەكشە ءمان بەرەدى.
«ونىڭ بەرگەن تاپسىرمالارى بويىنشا قازاقستاندا وسى ناۋبەتكە قارسى كۇرەستە الەمدىك تاجىريبەدەگى ەڭ وزىق ينستيتۋتتار مەن تەتىكتەردى قۇرۋدىڭ جاڭا باعىتى كەزەڭ- كەزەڭىمەن جۇزەگە اسىرىلۋدا. ءبىزدىڭ مەملەكەت ت م د ەلدەرى ىشىندە العاش بولىپ جەمقورلىققا قارسى كۇرەستىڭ سالالىق قۇجاتىن قابىلدادى. سونىمەن قاتار نەگىزىنەن قىلمىستىڭ الدىن الۋعا باعىتتالعان جاڭا زاڭ قابىلدانۋعا جاقىن»، - دەيدى باس پروكۋرور.
اۆتور: جاسۇلان جولدىبايەۆ
