كوروناۆيرۋس: جامبىل وبلىسىنا قىتايدان كەلگەن 37 ازامات قاتاڭ باقىلاۋدا
وبلىس اكىمدىگىنىڭ دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆتىڭ ايتۋىنشا، قازىرگى تاڭدا وبلىستا كوروناۆيرۋسقا كۇدىكتى ناۋقاستار تىركەلمەگەن. الايدا، بۇل باعىتتاعى الدىن الۋ ءىس-شارالارى ءارى قاراي جۇيەلى تۇردە جۇرگىزىلە بەرمەك.
«وبلىستىق بالالار جۇقپالى اۋرۋلار اۋرۋحاناسى مەن اۋداندارداعى ورتالىق اۋرۋحانالاردىڭ ينفەكتسيالىق بولىمشەلەرىندە 503 توسەك ونى بار بولسا، وعان قوسىمشا ەرەسەكتەرگە – 147، بالالارعا – 186، بارلىعى 333 توسەك دايىندالدى. مەديتسينالىق ۇيىمدار جەكە باس قورعانىس كيىمدەرىمەن، ۆيرۋسقا قارسى پرەپاراتتار مەن ءۆيرۋتسيليدتى دەزينفەكتسيالىق زاتتاردىڭ قورىمەن قامتاماسىز ەتىلدى. وڭىردەگى مەديتسينا قىزمەتكەرلەرى اراسىندا بەلگىسىز پنيەۆمونيانىڭ دياگنوستيكاسى، ەمدەۋ جانە الدىن الۋ تۋرالى كەڭەس-سەمينارلار ءوتتى. اتاپ ايتساق، بارلىعى 45 سەمينار ءوتىپ، وعان 3226 مەديتسينا قىزمەتكەرى قاتىستى»، - دەيدى باسقارما باسشىسى.
سونىمەن قاتار وبلىستاعى قۇزىرلى مەكەمەلەردىڭ ماماندارىنىڭ قاتىسۋىمەن بيىل 24- قاڭتاردا «اۋليە اتا» اۋەجايىندا بەلگىسىز پنيەۆمونيانىڭ اكەلىنۋى مەن ونىڭ تارالۋىنىڭ الدىن الۋ، ءبىرىنشى كەزەكتەگى شارالاردى ۇيىمداستىرىپ، وتكىزۋ بويىنشا وقۋ-جاتتىعۋ ساباعى وتكىزىلگەن.
«ەمدەۋ مەكەمەلەرىنىڭ، ونىڭ ىشىندە جەدەل مەديتسينالىق جاردەم ستانتسياسىنىڭ مەديتسينا قىزمەتكەرلەرى اراسىندا بەلگىسىز پنيەۆمونياعا كۇدىكتى جاعدايلاردى انىقتاۋ، تىركەۋ، ەسەپكە الۋ، شۇعىل حابارلاما جولداۋ، ناۋقاستاردى قابىلداۋ مەن ولارعا جەدەل مامانداندىرىلعان كومەك كورسەتۋ بويىنشا دايارلىعى شىڭدالدى. وبلىستىڭ بارلىق مەديتسينا ۇيىمدارىنىڭ قابىلداۋ بولىمدەرىندە، قاراۋ بولمەلەرىندە، جەدەل مەديتسينالىق جاردەم ستانتسياسىندا مەديتسينا قىزمەتكەرلەرىنە ارنالعان الگوريتمدەر ازىرلەندى»، - دەيدى م. جۇمانقۇلوۆ.
ايتا كەتەيىك، وبلىستىق پوليتسيا دەپارتامەنتى كوشى-قون باسقارماسىنىڭ مالىمەتتەرىنە سايكەس، اعىمداعى جىلدىڭ قاڭتار ايىندا قىتاي حالىق رەسپۋبليكاسىنان وبلىسىمىزعا 37 ازامات كەلگەن. ولاردىڭ بارلىعى تۇراقتى مەكەنجاي بويىنشا ەمدەۋ مەكەمەلەرىنىڭ مەديتسينا قىزمەتكەرلەرىنىڭ قاتاڭ باقىلاۋىنا الىنعان. قازىرگى تاڭعا دەيىن 25 ازامات 14 كۇندىك مەديتسينالىق باقىلاۋدان وتسە، باقىلاۋدان ءوتىپ جاتقان 12 ازامات بويىنشا ەشقانداي شاعىمدار ورىن الماعان.
