جۇلدە قورى - 35 ميلليون تەڭگە: «ايبوز» ادەبي سىيلىعىنا شىعارمالاردى قابىلداۋ باستالدى
ءار نوميناتسياعا 5 ميلليون تەڭگەدەن قاراستىرىلعان، دەپ حابارلايدى قازاقپارات مادەنيەت جانە سپورت مينيسترلىگىنە سىلتەمە جاساپ.
ۇلتتىق سىيلىققا «ۇزدىك پروزا»، «ۇزدىك پوەزيا»، «ۇزدىك دراما»، «ۇزدىك ادەبي اۋدارما»، «ۇزدىك بالالار ادەبيەتى»، «ۇزدىك ادەبي سىن»، «ۇزدىك كوميكس» نوميناتسيالارى بويىنشا شىعارمالار قابىلدانادى.
بايقاۋعا وتاندىق قالامگەرلەر قاتىسا الادى جانە ۇمىتكەرلەردىڭ جاس ەرەكشەلىگىنە بايلانىستى شەكتەۋ جوق.
ۇمىتكەرلەر وتىنىمدەرىن 1- مامىر – 1- قىركۇيەك ارالىعىندا www.aiboz.kz سايتى ارقىلى جىبەرۋ قاجەت. ادەبي سىيلىق جىل سوڭىندا تابىستالادى.
«ايبوز» - وتاندىق قالامگەرلەرگە مەملەكەت تاراپىنان قولداۋ كورسەتۋ جانە ىنتالاندىرۋ ماقساتىندا مادەنيەت جانە سپورت مينيسترلىگى ۇيىمداستىراتىن ۇلتتىق ادەبي سىيلىق. بايقاۋعا بۇرىن-سوڭدى ەش جەردە جاريالانباعان شىعارمالار عانا قابىلدانادى. بۇل قازاق ادەبيەتىنىڭ قورى 7 نوميناتسيا بويىنشا جۇزدەگەن جاڭا تۋىندىلارمەن تولىعادى دەگەن ءسوز. سونداي-اق، قالامگەرلەر اراسىندا باسەكە پايدا بولىپ، سونىڭ ناتيجەسىندە وقىرمانعا وزەكتى، قىزىقتى ءارى زاماناۋي شىعارمالار جول تارتادى»، - دەيدى مادەنيەت جانە سپورت مينيسترلىگى ارحيۆ، قۇجاتتاما جانە كىتاپ ءىسى كوميتەتى كىتاپ ءىسى باسقارماسىنىڭ باسشىسى الماز مىرزاحمەت.