11:43, 01 - تامىز 2022 | GMT +5
مۇناي ونىمدەرىنىڭ زاڭسىز اينالىمىنا قاتىستى 35 قىلمىستىق ءىس قوزعالدى
نۇر- سۇلتان. قازاقپارات - جىل باسىنان بەرى 4 ميلليارد تەڭگەگە جالپى كولەمى 20 مىڭ توننا مۇناي ونىمدەرىنىڭ زاڭسىز اينالىمى فاكتىلەرى بويىنشا 35 قىلمىستىق ءىس قوزعادى.
بۇل تۋرالى قازاقپارات قارجىلىق مونيتورينگ اگەنتتىگىنە سىلتەمە جاساپ حابارلايدى.
«جىل باسىنان بەرى ق م ا 4 ميلليارد تەڭگەگە جالپى كولەمى 20 مىڭ توننا مۇناي ونىمدەرىنىڭ زاڭسىز اينالىمى فاكتىلەرى بويىنشا 35 قىلمىستىق ءىس قوزعادى. انىقتالعان فاكتىلەر بويىنشا سوتقا دەيىنگى تەرگەپ- تەكسەرۋ اياسىندا جانار- جاعارمايدىڭ شىعۋ كوزدەرى مەن ونىڭ اينالىمىنا قاتىسى بار تۇلعالار انىقتالۋدا. وڭىرلەردە شەكارا قىزمەتى جانە مەملەكەتتىك كىرىس ورگاندارىمەن ءوزارا ءىس- قيمىل جولعا قويىلىپ، بىرلەسكەن جۇمىس جوسپارلارىنا قول قويىلدى»، - دەلىنگەن رەسمي حابارلامادا.
