قازاقستاننىڭ حالىققا قىزمەت كورسەتۋ ورتالىقتارىندا 35 جاڭا قىزمەت ءتۇرى ىسكە قوسىلدى
ناقتىراق ايتساق، ەندى حالىققا قىزمەت كورسەتۋ ورتالىقتارىنا سالىق ەسەبىن قابىلداۋعا/كەرى قايتارۋعا، دارا كاسىپكەرلەرگە پاتەنت بەرۋگە، قورعانشىلارعا نەمەسە قامقورشىلارعا جەتىم بالالاردى جانە اتا-اناسىنىڭ قامقورلىعىنسىز قالعان بالالاردى اسىراپ-باعۋعا جاردەماقى تاعايىنداۋعا، قازاقستان رەسپۋبليكاسىنا جەكە ىستەر بويىنشا كىرۋگە شاقىرۋلاردى رەسىمدەۋگە جانە ت. ب. ءۇشىن جۇگىنۋگە بولادى، دەپ حابارلايدى Bnews.kz.
«ح ق ك و» ر م ك باس ديرەكتورى اسەمگۇل بالتاشەۆانىڭ ايتۋىنشا قازىرگى ۋاقىتتا 9 مەملەكەتتىك ورگاننىڭ 35 قىزمەتى بەرىلدى. ازىرگە وسى قىزمەتتەردىڭ ستاندارتتارى قارالىپ جاتقاندا، ولار ح ق ك و- لاردا پيلوتتىق رەجيمدە ۇسىنىلادى. ولاردى بەكىتكەن سوڭ، پيلوتتىق جوبا اياقتالادى جانە قىزمەتتەر ح ق ك و- لاردا جالپى نەگىزدە كورسەتىلەدى.
بالتاشەۆا سونىمەن بىرگە، ح ق ك و- لارعا جاڭا قىزمەتتەردى ەنگىزۋ بويىنشا جۇمىس جالعاساتىنىن حابارلادى. جىل اياعىنا دەيىن ح ق ك و- لارعا تاعى دا 20 دان استام جاڭا قىزمەت ءتۇرى، ولاردىڭ ىشىندە ينۆەستيتسيالار جانە دامۋ، اۋىل شارۋاشىلىعى، ادىلەت، قارجى جانە قورعانىس مينيسترلىكتەرىنىڭ قىزمەتتەرىن ەنگىزۋ جوسپارلانىپ وتىرعانىن جەتكىزدى.
وسىلايشا، ح ق ك و- لاردا كورسەتىلەتىن قىزمەتتەر سانى 212 گە جەتەدى. 2011 -جىلى حالىققا قىزمەت كورسەتۋ ورتالىقتارى جالپى سانى 59 قىزمەت ءتۇرىن كورسەتكەنىن، 2012 -جىلى - 113, 2014 -جىلى ولاردىڭ سانى 171 گە جەتكەن.
ق ر ح ق ك و- لاردا بيىلعى جىلى 4 اي ىشىندە 13711696 رەت قىزمەت كورسەتىلگەن، ونىڭ ىشىندە 10 ميلليوننان استامى - ەلەكتروندى تۇردە كورسەتىلگەن.