پرەزيدەنت مەملەكەتتىك كۇزەت قىزمەتىنىڭ 30 جىلدىعىنا ارنالعان ءىس- شاراعا قاتىستى

نۇر- سۇلتان. قازاقپارات - پرەزيدەنت مەملەكەتتىك كۇزەت قىزمەتىنىڭ جۇمىسىمەن تانىستى. سونداي- اق، م ك ق 30 جىلدىعىنا ارنالعان سالتاناتتى ءىس- شاراعا قاتىسىپ، سالا قىزمەتكەرلەرىن قۇتتىقتادى، دەپ حابارلايدى قازاقپارات اقورداعا سىلتەمە جاساپ.
None
None

مەملەكەت باسشىسى بۇل قۇرىلىمنىڭ ۇلتتىق قاۋىپسىزدىكتى قامتاماسىز ەتۋ جۇيەسىندە اسا ماڭىزدى ءرول اتقاراتىنىن، كۇزەت قىزمەتكەرلەرىنە ايرىقشا جاۋاپكەرشىلىك جۇكتەلگەنىن اتاپ ءوتتى.

«ەل باسشىلىعىنىڭ قاۋىپسىزدىگىن قامتاماسىز ەتۋ، ستراتەگيالىق نىسانداردى، سونداي- اق شەتەلدەن كەلگەن مارتەبەلى مەيمانداردى قورعاۋ وڭاي جۇمىس ەمەس. سىزدەر وسى مىندەتتى ابىرويمەن اتقارىپ كەلەسىزدەر. بۇل 30 جىل ىشىندە قالىپتاسقان يگى ءداستۇر، ساباقتاستىق ەكەنى ءسوزسىز. بۇگىندە كۇزەت قىزمەتىنىڭ الەۋەتى وراسان زور. جاۋىنگەرلىك تەحنيكالىق جانە جەدەل ارەكەت ەتۋ مۇمكىندىكتەرى مول. شىن مانىندە، مەملەكەتتىك كۇزەت قىزمەتىن ناعىز پاتريوتتاردىڭ ۇجىمى دەۋگە بولادى. ەڭ جاۋاپتى ساتتە وتان ءۇشىن ايانباي، ادال قىزمەت ەتىپ كەلەسىزدەر»، - دەدى قاسىم- جومارت توقايەۆ.

قاسىم- جومارت توقايەۆ قازىرگى شيەلەنىستى گەوساياسي جاعدايدا مەملەكەتتىك كۇزەت قىزمەتىنىڭ ءتۇرلى سىن- قاتەرلەر مەن قاۋىپتەرگە دەر كەزىندە توتەپ بەرۋ مۇمكىندىگىنىڭ اسا ماڭىزدى ەكەنىنە توقتالدى.

«جەكە قۇرامنىڭ ءبىلىمى مەن بىلىكتىلىگىن ودان ءارى دامىتىپ، مەملەكەتتىك كۇزەتتىڭ بۇكىل جۇيەسىن جەتىلدىرۋ قاجەت. مەملەكەتتىك كۇزەت قىزمەتى - ەرەكشە قۇرىلىم. سوندىقتان وعان قويىلاتىن تالاپ تا ءارقاشان جوعارى بولماق. سىزدەر جۇكتەلگەن مىندەتتى شۇعىل ءارى ءتيىمدى اتقارادى دەپ سەنەمىن. ءمىنسىز قىزمەتتەرىڭىز ءۇشىن بارشاڭىزعا شىنايى ريزاشىلىعىمدى بىلدىرەمىن»، - دەدى قازاقستان پرەزيدەنتى.

مەملەكەت باسشىسى سالا قىزمەتكەرلەرىنىڭ ەڭبەگىنە تابىس تىلەپ، ءبىرقاتارىن مەملەكەتتىك ناگرادالارمەن ماراپاتتادى. اتاپ ايتقانداI جانە Ⅱدارەجەلى «ايبىن» وردەندەرى، «جاۋىنگەرلىك ەرلىگى ءۇشىن» مەدالدارى تابىستالىپ، پرەزيدەنتتىڭ العىسى جاريالاندى. قاسىم- جومارت توقايەۆ ماراپاتتاۋ راسىمىنەن كەيىن مەرەكەلىك كونسەرتتى تاماشالادى.


سوڭعى جاڭالىقتار