قازاق جەرىندە يادرولىق قارۋ ءۇنى وشكەنىنە 30 جىل تولدى
1991-جىلى 29- تامىزدا ق ر پرەزيدەنتى نۇرسۇلتان نازاربايەۆتىڭ جارلىعىمەن سەمەي يادرولىق پوليگونى جابىلدى.
ەستە بولسا، 2009-جىلى قازاقستان ب ۇ ۇ باس اسسامبلەياسىنىڭ ءبىرىنشى كوميتەتىنە 29- تامىزدى بۇكىل الەمدىك يادرولىق قارۋدان باس تارتۋ كۇنى دەپ جاريالاۋدى ۇسىنعان بولاتىن. ال 2010-جىلى ب ۇ ۇ 29- تامىزدى يادرولىق سىناقتارعا قارسى ءىس-قيمىلدىڭ حالىقارالىق كۇنى دەپ جاريالاعان ەدى.
تاريحي دەرەكتەرگە جۇگىنسەك، 40 جىلدىڭ ىشىندە رەسپۋبليكا اۋماعىندا 456 جەراستى جانە جەرۇستى سىناعى جاسالدى. ولاردىڭ جالپى قۋاتى 1945-جىلى حيروسيماعا تاستالعان بومبانىڭ قۋاتىنان 2,5 ەسەگە اسىپ تۇسەدى.
جالپسى وسى ۋاقىتقا دەيىن بۇكىل الەمدە جاسالعان بارلىق سىناقتاردىڭ 24 پايىزى قازاقستان اۋماعىندا ورىن الدى.
ك س ر و ىدىراعان تۇستا قازاقستان تەرريتورياسىندا، ناقتىراق ايتقاندا سەمەي، سارىوزەك جانە بايقوڭىردا ءار قايسىسىندا 10 وقتۇمسىق قوندىرىلعان 108 زىمىران تۇراقتى كەزەكشىلىكتە تۇردى.
ال يادرولىق زاريادى بار وقتۇمسىقتاردىڭ جالپى سانى 1400 دانا ەدى. سونىمەن قاتار، 240 يادرولىق قاناتتى زىمىراندارمەن جابدىقتالعان 40 تۋ-95 م س ستراتەگيالىق بومبالاۋشى ۇشاقتار بولعانى ەستە.