راحىم وشاقبايەۆ: ا ق ش قازاقستانعا 30 ميلليارد دوللار ينۆەستيتسيا قۇيدى
بۇل تۋرالى «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقبايەۆ ايتتى، دەپ حابارلايدى قازاقپارات.
«پرەزيدەنتتىڭ بۇل جولعى ساپارىنىڭ باستى ماقساتى - امەريكا قۇراما شتاتتارىنىڭ جاڭا اكىمشىلىگىمەن سەنىمدى بايلانىس ورناتۋ بولىپ تابىلادى. كەزدەسۋ ا ق ش پرەزيدەنتى دونالد ترامپتىڭ باستاماسىمەن بولاتىندىعىن ەرەكشە اتاپ ءوتۋ كەرەك. بۇل - پرەزيدەنت نۇرسۇلتان نازاربايەۆتىڭ ا ق ش- قا جەتىنشى ساپارى»، - دەيدى راحىم وشاقبايەۆ قازاقستان پرەزيدەنتىنىڭ ا ق ش- قا رەسمي ساپارىنا قاتىستى «قازاقپارات» ح ا ا تىلشىسىنە بەرگەن پىكىرىندە.
ساراپشىنىڭ سوزىنە سۇيەنسەك، قازاقستاننىڭ ا ق ش- پەن يادرولىق قارۋسىزداندىرۋ سالاسىندا ايتارلىقتاي جەمىستى قارىم-قاتىناس ورناتا ءبىلدى.
«ەگەر ەسىڭىزدە بولسا، امەريكالىق تاراپ قازاقستاننىڭ ايماقتىق قاۋىپسىزدىك سالاسىنداعى جانە ەڭ الدىمەن اۋعانستانعا قاتىستى ۇستانىمىن ەرەكشە اتاپ وتكەن بولاتىن. ا ق ش سونىمەن بىرگە، بىرىككەن ۇلتتار ۇيىمىنا ءتوراعالىق ەتۋدە قازاقستاننىڭ ۇمىتكەرلىگىنە قولداۋ بىلدىرگەن. قازاقستاننىڭ ايماقتىق فورماتتا دا امەريكامەن ىنتىماقتاستىعى جاقسى جولعا قويىلعان»، - دەيدى ول.
سونداي-اق راحىم وشاقبايەۆ سونداي-اق، ەكى ەلدىڭ ەكونوميكا سالاسىنداعى بايلانىسىن اتاپ ءوتتى.
«ا ق ش قازاقستانعا قارجى قۇيىپ وتىرعان ءىرى ينۆەستورلاردىڭ ءبىرى. 2005-جىلدان بەرى ا ق ش ءبىزدىڭ ەلگە 30 ميلليارد ا ق ش دوللارىنا جۋىق ينۆەستيتسيا سالعان. قازاقستاندا 200 گە جۋىق امەريكالىق كومپانيا جۇمىس ىستەپ جاتىر. سوندىقتان، وسى ساپارداعى مىندەت - ەكى ەلدىڭ اراسىنداعى ستراتەگيالىق ىنتىماقتاستىقتى نىعايتۋ بولىپ تابىلادى»، - دەيدى ساراپشى.
