قازاقستانعا سۋ-30 س م جويعىش ۇشاقتارى اكەلىندى
دەپ حابارلايدى ق ر ق م باسپا ءسوز قىزمەتى.
ءوزىنىڭ ۇشۋ جانە تاكتيكا- تەحنيكالىق سيپاتتامالارى بويىنشا بۇگىنگى تاڭدا الەمدىك عىلىمي- تەحنيكالىق ىلگەرىلەۋدىڭ شىڭىنداعى 5- ۇلگىدەگى ۇشاقتارعا شىنداپ جاقىنداتىلعان. ۇشاق تاۋلىك بويى، كەز كەلگەن اۋا رايىندا بازادان ەداۋىر قاشىقتىقتا جاۋىنگەرلىك تاپسىرمالاردىڭ كەڭ سپەكترىن ورىنداۋعا قابىلەتتى.
СУ-30СМ اۋە نىسانالارىن، سونداي- اق، جەرءۇستى جانە سۋءۇستى وبەكتىلەردى جويۋ بويىنشا تاپسىرمالاردى ورىندايدى. قارۋ- جاراقتىڭ كەڭ تۇرىمەن جانە بورتتىق راديوەلەكتروندى قۇرىلعىنىڭ زاماناۋي كەشەنىمەن جابدىقتالعان.
«اتالمىش جويعىشتى ويداعىداي مەڭگەرۋ ءۇشىن تەحنيكانىڭ قىر- سىرىن جاقسى ءبىلىپ، ۇدايى ءوزىن- ءوزى جەتىلدىرىپ وتىرۋ قاجەت. ءبىر جارىم جىل ىشىندە ۇشقىشتار اتالعان ۇشاقتى ءساتتى يگەردى. بۇعان دالەل رەتىندە ءبىرقاتار وقۋ- جاتتىعۋلارعا قاتىسۋىن اتاپ وتۋگە بولادى. سۋ جاڭا اۆياتسيالىق تەحنيكانىڭ جەتكىزىلۋى جالپى العاندا، قازاقستان قارۋلى كۇشتەرىنىڭ ۇشۋلار قاۋىپسىزدىگى مەن قورعانىس قابىلەتتىلىگىن ارتتىرۋعا مۇمكىندىك بەرەدى»، - دەپ اۆياتسيالىق بازا كومانديرىنىڭ تاربيە جانە يدەولوگيالىق جۇمىستار جونىندەگى ورىنباسارى پودپولكوۆنيك تەمىرتاس ىبىرايەۆ اتاپ ءوتتى.
СУ-30СМ ۇشاقتارىنىڭ العاشقى پارتياسى قازاقستان اسكەري- اۋە كۇشتەرىنىڭ جاراقتاندىرىلۋىنا 2015 -جىلى بۇدان بۇرىن قازاقستان مەن رەسەي قورعانىس ۆەدومستۆولارىنىڭ باسشىلارى اراسىندا قول جەتكىزىلگەن ۋاعدالاستىق شەڭبەرىندە كەلىپ تۇسكەنىن ەستەرىڭىزگە سالا كەتەيىك.
