قازاقستاندا جوعارعى سىنىپتاردا پاندەردىڭ 30 پايىزى قىسقاراتىن بولدى
«جاڭا باعدارلاماعا سايكەس، بۇل بيىل جۇزەگە اسىرىلمايدى، بۇل ءتورت جىل بويىندا جۇزەگە اسىرىلادى، جوعارى مەكتەپتەردە وقۋ باعدارلامالارىنىڭ سانى قىسقارادى. قازىر ناقتى سانداردى كەلتىرە المايمىن، ءبىراق شامامەن 18-19 دان 14 پانگە دەيىن قىسقارادى.
سوندىقتان پرەزيدەنتتىڭ تاپسىرعانى نەگىزىندە كوپ ايتىلدى. ماماندارمەن جۇمىس ىستەدىك جانە ەنگىزىپ جاتىرمىز. ياعني جوعارى سىنىپتار ءۇشىن وقۋ باعدارلاماسى ايتارلىقتاي 30 پايىزعا قىسقارادى، ءبىراق بىردەن بيىل ەمەس، كەلەسى جىلدان دا ەمەس، ولاردىڭ جاڭارعان مازمۇنعا قالاي كوشۋىنە بايلانىستى بولادى. ءدال وسى جاڭارعان مازمۇن پاندەردى قىسقارتۋعا مۇمكىندىك بەرەدى»، - دەپ مالىمدەدى ساعاديەۆ قازاقستان حالقى اسسامبلەياسىنىڭ XXIV سەسسياسى اياقتالعاننان كەيىن.
ەسكە سالايىق، قازاقستان پرەزيدەنتى نۇرسۇلتان نازاربايەۆ بۇگىن، 26- ساۋىردە قازاقستان حالقى اسسامبلەياسىنىڭ XXIV سەسسياسىندا ەلدەگى مەكتەپ وقۋشىلارىنىڭ ءبىلىم بەرۋ باعدارلاماسى بويىنشا وتە كوپ پاندەردى وقيتىنىن ايتىپ، ولاردى قىسقارتۋدى قاراستىرۋدى تاپسىرعان بولاتىن. «مەن بۇل ماسەلەدە مامان ەمەسپىن، ماعان وسى جايلى ءتۇسىندىردى، ياعني ماماندار بار، ولار وسىندا وتىرادى. مىسالى، قازاق ءتىلى مەن ادەبيەتى - ءبىر ءپان قىلۋعا بولا ما؟ ادەبيەت پەن ورىس ءتىلىنىڭ گرامماتيكاسىن، تاريح پەن گەوگرافيانى قوسىپ جىبەرۋگە بولا ما؟ ءبىز بالالارعا كوپتەگەن پاندەردى تىقپالاي بەرەمىز، مۇنداي جاعداي الەمنىڭ ەشبىر ەلىندە جوق»، - دەدى ول.
