قازاقستاندىق جەرسەرىكتەردىڭ قىزمەتى 30 پايىزعا ارزان

استانا. قازاقپارات - ءارتۇرلى تەلەكوممۋنيكاتسيالىق قىزمەتتەر كورسەتەتىن قازاقستاندىق وپەراتورلار KazSat-2 және KazSat-3 وتاندىق جەرسەرىكتەرىنە بەلسەندى تۇردە اۋىسىپ جاتىر.

بيىل اتالعان ورتالىقتىڭ قۇرىلعانىنا -  10 جىل.

نەگىزگى نىسان اقمولا وبلىسىنىڭ اقكول قالاسىندا، ال قوسالقى بايلانىس ورنى الماتى ماڭىنداعى «كوكتەرەكتە» ورنالاسقان.

قازاقستاندىق عارىش اپپاراتتارى تاۋلىك بويى وسى جەردەن باسقارىلىپ، ۇنەمى قاداعالانىپ وتىرادى.

بۇگىندە 14 تەلەكوممۋنيكاتسيالىق وپەراتور وتاندىق جەرسەرىكتەردىڭ قىزمەتىن پايدالانۋدا. KazSat-2  بيىل كەتكەن شىعىندى وتەدى.

ال ءۇشىنشى جەرسەرىك جوسپارعا ساي 2017-جىلى جۇمسالعان قارجىنى تولىق اقتايدى. وعان دەيىن قازاقستاندىق بارلىق تەلەكوممۋنيكاتسيالىق وپەراتورلار وتاندىق ەكى سپۋتنيككە اۋىسادى. مامانداردىڭ ايتۋىنشا، ءوزىمىزدىڭ جەرسەرىكتەردىڭ قىزمەتى شەتەلدىكىنە قاراعاندا 30 پايىزعا ارزان.

باۋىرجان قۇدابايەۆ، «رەسپۋبليكالىق عارىشتىق بايلانىس ورتالىعى» ا ق ۆيتسە-پرەزيدەنتى:

- ەكسپو كەزىندە ءبىزدىڭ قىزمەتىمىزدى شەتەلدىك وپەراتورلار دا پايدالاناتىن بولادى. جاقىندا قىتايدىڭ «چاينا ساتكوم» كومپانياسىمەن كەزدەسىپ، مەموراندۋمعا قول قويدىق.

www.24.kz