ق ح ا جىلى اياسىندا 30 مىڭنان استام شارا ءوتتى - گ. ءابدىقالىقوۆا - فوتو
شاراعا قاتىسۋشىلار قازاقستان حالقى اسسامبلەياسى جىلىنىڭ قورىتىندىسىن، 2025-جىلعا دەيىن ق ح ا- نى دامىتۋ تۇجىرىمداسىنىڭ جوباسىن جانە باسقا دا ماسەلەلەردى تالقىلاۋدا.
«ءبىزدىڭ كەڭەسىمىز قوعامىمىزداعى كونفەسسياارالىق ۇندەستىكتىڭ، ازاماتتىق جانە رۋحاني باستامالاردىڭ نەگىزگى ۇيلەسۋىنىڭ سيمۆولىنا اينالعان رۋحاني كەلىسىم كۇنى قارساڭىندا وتۋدە. بۇگىن كەڭەستە «ۇلت جوسپارى 100 ناقتى قادام. بارلىعىنا ارنالعان قازىرگى زامانعى مەملەكەت» اياسىندا بولاشاعى ءبىرتۇتاس ۇلت رەفورماسىنىڭ باستى ماسەەلەرى قارالاتىن بولادى»، - دەدى وتىرىستى اشقان ق ر مەملەكەتتىك حاتشىسى گۇلشارا ءابدىقالىقوۆا.
ونىڭ اتاپ وتۋىنشە، وڭىرلەردەگى جۇمىس ق ح ا جۇمىسىنىڭ باستى باعىتى بولىپ سانالادى. ماسەلەن، ونىڭ العا تارتقان دەرەكتەرىنە قاراعاندا، ق ح ا جىلى اياسىندا 30 مىڭنان استام الەۋمەتتىك جوبالار مەن اكسيالار 8,5 ميلليون ادامنىڭ قاتىسۋىمەن وتكەن.
«جىلدىڭ بارلىق ءىس-شارالارىنىڭ «ماڭگىلىك ەل» جالپى ۇلتتىق پاتريوتتىق يدەيانىڭ بازالىق قۇندىلىقتارى نەگىزىندە قالىپتاسۋى ايرىقشا ماڭىزعا يە»، - دەدى گ. ءابدىقالىقوۆا.
وتىرىسقا ق ر پرەزيدەنتى اكىمشىلىگى باسشىسىنىڭ ورىنباسارى باعلان مايلىبايەۆ، ق ح ا ءتوراعاسىنىڭ ورىنباسارى ەرالى توعجانوۆ، ق ح ا كەڭەسىنىڭ مۇشەلەرى، ءماجىلىس دەپۋتاتتارى، قازاقستاننىڭ قوعام قايراتكەرلەرى، سونىمەن قاتار رەسەي حالىقتار اسسامبلەياسى كەڭەسىنىڭ ءتورايىمى سۆەتلانا سميرنوۆا، رەسەيلىك ءانشى، مادەنيەت قايراتكەرى يوسيف كوبزون قاتىسۋدا.
