ن. نازاربايەۆ: 30 - تامىز - قازاقستان حالقى ءبىرتۇتاس تاڭداۋ جاساعان ۇلى بەتبۇرىس كۇنى

 استانا. قازاقپارات - 30 - تامىز - قازاقستان حالقى ءبىرتۇتاس تاڭداۋ جاساعان ۇلى بەتبۇرىس كۇنى.
None
None

بۇگىن ق ر كونستيتۋتسياسىنىڭ 20 جىلدىق مەرەيتويىنا ارنالعان عىلىمي- تاجىريبەلىك كونفەرەنسيا بارىسىندا ەلباسى نۇرسۇلتان نازاربايەۆ وسىلاي ءمالىم ەتتى.

 «قىمباتتى وتانداستار، قادىرلى كونفەرەنسياعا قاتىسۋشىلار، ءبىزدىڭ ەلىمىزدىڭ قوناقتارى! بارشالارىڭىزعا كەلگەندەرىڭىزگە راحمەتىمىزدى ايتىپ، قازاقستانعا حوش كەلدىڭىزدەر دەيمىن. بۇگىن قازاقستان ءۇشىن - وتە ۇلى كۇن. سوندىقتان بارشاڭىزدى مەملەكەتىمىزدىڭ بەرىك ىرگەتاسى كونستيتۋتسيامىزدىڭ 20 جىلدىق مەركەسىمەن شىن جۇرەگىممەن قۇتتىقتايمىن. 30 - تامىز قازاقستان حالقى ءبىرتۇتاس تاڭداۋ جاساعان ۇلى بەتبۇرىس كۇنى بولىپ ەسەپتەلەدى. ءبىز وسىدان 20 جىل بۇرىن بۇكىل حالىقتىق رەفەرەندۋمدا اتا زاڭىمىزدى قابىلدادىق. ەسكى مەن جاڭا توقايلاسقان الماعايىپ كەزەڭدە حالقىمىز بارشا الەمگە بىرلىگى مەن دانالىعىن كورسەتتى»، - دەدى ەلباسى ءوز سوزىندە.

سونىمەن قاتار مەملەكەت باسشىسى وسىدان 20 جىل بۇرىن جاڭا قازاقستاننىڭ، جاڭا زاماننىڭ تالاپتارىنا ساي كەلەتىن كونستيتۋتسيانىڭ ءماتىنىن بەكىتكەنىمىزدى اتاپ ءوتتى.

 «ءبىز ورتاق تاعدىر بىرىكتىرگەن قازاقستان حالقى دەپ باستالاتىن اتا زاڭىمىزدىڭ بويىنا ەلىمىزدىڭ ەڭ باستى قۇندىلىقتارىن تۇگەل سىيعىزا بىلدىك. مەن كونستيتۋتسيانىڭ ءبىر جىلدىعىنا ارنالعان سالتاناتتى جيىندا «ءبىز زاڭ اياسىندا ءومىر سۇرۋگە ۇيرەنۋىمىز كەرەك» دەپ ايتقانمىن. اتا زاڭىمىزبەن ءجۇرىپ وتكەن 20 جىلعا كوز سالا وتىرىپ، بۇگىن ءبىز زاڭ اياسىندا ءومىر سۇرەتىن ەلمىز دەپ ماقتانىشپەن ايتا الامىز»، - دەدى ق ر پرەزيدەنتى.

 اۆتور: مارلان جيەمباي  

سوڭعى جاڭالىقتار