قاز مىرىشتىڭ مىس زاۋىتى جوباسى قازاقستانداعى 30 سەرپىندى جوبانىڭ قاتارىندا - ەلباسى

وسكەمەن. قازاقپارات - وسكەمەن قالاسىنا جاساعان ساپارىنىڭ اياسىندا مەملەكەت باسشىسى «قاز مىرىشتىڭ» وسكەمەن مەتاللۋرگيالىق الاڭىندا ورنالاسقان مىس زاۋىتىنداعى مىس بالقىتۋ سەحىنىڭ جۇمىسىمەن تانىسىپ ءوتتى.

بۇل جوبا ق ر يندۋستريالاندىرۋ كارتاسىنىڭ «جاڭا مەتاللۋرگيا» ۇلكەن جوباسىنىڭ اياسىندا ەنگىزىلىپ، قازاقستاننىڭ 30 سەرپىندى جوبالارىنىڭ قاتارىنا كىردى. جوبانىڭ ىسكە اسىرىلۋى ەل پرەزيدەنتىنىڭ قاداعالاۋىمەن جۇرگىزىلىپ، بۇل ءوندىرىس ن. نازاربايەۆتىڭ ايماققا جۇمىس ساپارىنىڭ اياسىندا بارعان ءبىرىنشى نىسان بولدى.

مەملەكەت باسشىسى بۇل جوبانى ءبىزدىڭ ەلىمىزدىڭ جاڭا تاريحىنداعى ەڭ الدىڭعى قاتارلى دەپ اتادى. ن. نازاربايەۆ «جاڭا مەتاللۋرگيانىڭ» تەحنولوگيالار دەڭگەيى مەن ينۆەستيتسيالار كولەمى بويىنشا قازاقستاندا تەڭدەسى جوق ەكەنىن، سونداي- اق جاڭا وندىرىستە ەكولوگيالىق ماسەلەلەردىڭ دە شەشىلگەنىن ەرەكشە اتاپ ءوتتى.

نۇرسۇلتان ءابىش ۇلىنا مىستى الۋدىڭ تەحنولوگيالىق پروتسەستەرى كورسەتىلدى. «قازمىرىشتىڭ» وسكەمەن مەتاللۋرگيالىق الاڭىندا ورنالاسقان مىس زاۋىتىنىڭ مىس بالقىتۋ سەحىنىڭ 5- رازريادتاعى بالقىتۋشىسى نۇرلان يدريشيەۆ ەل پرەزيدەنتىنە العىس ءبىلدىردى.

نۇرسۇلتان نازاربايەۆتىڭ «قاز مىرىشتىڭ» ۇجىمىمەن كەزدەسۋى ودان كەيىن زاۋىت جانىندا ورنالاسقان باعالى مەتالداردى شىعارۋ الاڭىندا جالعاستى. مۇندا ەل پرەزيدەنتىن زاۋىتتىڭ 7 مىڭنان استام قىزمەتكەرى قارسى الدى.