دامىعان 30 ەلدىڭ قاتارىنا كىرەمىز دەسەك ج ءى ءو 5 پايىزدان كەم بولماۋى ءتيىس - ق ر پرەزيدەنتى
دەپ حابارلايدى قازاقپارات.
«ءۇشىنشى جاڭعىرۋ وركەندەگەن، وسكەن 30 ەلدىڭ ىشىنە ەنۋ ءۇشىن جاسالىپ وتىرعان تاعى ءبىر شارا. بۇل جۇمىس بۇرىنعى جۇمىستاردان قيىن، كۇردەلى. بارلىقتارىڭىز ويلانۋلارىڭىز كەرەك. مينيسترلەردى، ۇكىمەت باسشىسىن، وبلىس اكىمدەرىن تىڭداپ وتىرعاندا ىشىمنەن بيىلعى جىل بىلتىرعىدان جاقسى بولادى، دەپ ويلاپ وتىردىم. بىرىنشىدەن بازاسى تومەن، ەكىنشىدەن جاعداي تۇزەلىپ كەلەدى. باعا مەتالعا دا، مۇنايعا دا، گازعا دا، بارلىق سالالاردا دا ءوسىپ كەلە جاتىر. ءبىز مۇناي مەن گازدىڭ تومەن باعاسىنا ۇيرەندىك. بۇعان ەكونوميكا بەيىمدەلدى دەسەك تە بولادى. ءبىر جاعىنان وسى بولۋى دا كەرەك ەدى. كوپ بولعاندا ادام بارلىعى بار عوي دەپ شالقايىپ جاتا بەرىپ، قارامايدى. ىزدەنىپ، تاۋىپ جاساۋ كەرەك. سودان كەيىن ستراتەگيالىق ماقساتىمىز 30 ەلدىڭ قاتارىنا كىرۋ بولسا، باسقاشا جۇمىس ىستەۋ قاجەت. ارينە، بۇل جۇمىس وڭاي ەمەس»، - دەدى پرەزيدەنت.
مىسالى ەلباسىنىڭ ايتۋىنشا، وتكەن 25 جىلدىڭ ىشىندە سول 30 مەملەكەتتىڭ ىشىنە كىرەمىن دەگەن قازاقستان سياقتى مەملەكەتتەر بولدى.
«ءبىراق، ە ى د ۇ- دا 26 مەملەكەت بار سول مەملەكەتتەر قالدى. 200 ەلدىڭ ىشىنەن سەرپىلىس الىپ 25 جىلدىڭ ىشىندە ۇيىمعا ەنگەن جالعىز مەملەكەت ول وڭتۇستىك كورەيا. ەگەر دۇنيەءجۇزى بويىنشا جالپى ىشكى ءونىمنىڭ ورتاشا جىلدىق كورسەتكىشى سول جىلداردا 2,8 پايىز بولسا، كورەيانىڭ ورتاشا جالپى ىشكى ءونىمى 5 پايىز بولعان. ويلانىڭدار. ءبىز جاڭا جاعدايدا ءدال وسىنداي سەرپىلىسكە جەتۋىمىز كەرەك. سوندىقتان بارشامىز ءوز ۇستانىمىزدى قايتا قاراۋىمىز كەرەك»، - دەدى ەلباسى.
اۆتور: مارلان جيەمباي
